Actualitats
Mogadisho: almens una centena de mòrts dins un atemptat terrorista
Los terroristas an fach espetar doas veituras e puèi son intrats dins lo Ministèri de l’Educacion fusilhar lo mond d'un biais indiscriminat
Tèxte legit
Una centena de personas mòrtas e 300 de nafradas es lo tragic bilanç d’un atemptat terrorista a Mogadisho, capitala de Somalia. Lo grop jihadista Ash Shabaab a revendicat l’explosion de las doas bombas qu’an causat lo masèl.
Segon d’informacions de la polícia, dos terroristas d’aquela organizacion, la mai activa del país e una de las mai perilhosas d’Africa, an fach espetar doas veituras abans d’intrar dins lo Ministèri de l’Educacion en tot fusilhar lo mond d’un biais indiscriminat. La majoritat de mòrts son de civils, compreses d’enfants.
Lo primièr ministre somali, Xamse Cabdi Barre a plangut lo dòl de las victimas e a assegurat que son govèrn contunhariá de combatre lo grop Ash Shabaab fins a l’eliminar.
La Mission de l’ÒNU en Somalia (UNSOM) a tanplan condemnat energicament lo “despietadós atemptat” d’Ash Shabaab e a dich a las familhas de las victimas que planhiá lor dòl.
Al meteis endrech de Mogadisho, lo 14 d’octòbre de 2017 moriguèron mai de 587 personas dins un atemptat ont los terroristas faguèron espetar un camion.
Somalia es victima dempuèi 1991 d'una situacion de caos e de guèrras, après la casuda de la dictatura. En 2004, divèrsas faccions arribèron a un acòrdi per formar un govèrn de transicion, e en 2012 s’aprovèt una nòva Constitucion provisòria, mas fòrça mèdias considèran qu’es un estat en falhida.
Segon d’informacions de la polícia, dos terroristas d’aquela organizacion, la mai activa del país e una de las mai perilhosas d’Africa, an fach espetar doas veituras abans d’intrar dins lo Ministèri de l’Educacion en tot fusilhar lo mond d’un biais indiscriminat. La majoritat de mòrts son de civils, compreses d’enfants.
Lo primièr ministre somali, Xamse Cabdi Barre a plangut lo dòl de las victimas e a assegurat que son govèrn contunhariá de combatre lo grop Ash Shabaab fins a l’eliminar.
La Mission de l’ÒNU en Somalia (UNSOM) a tanplan condemnat energicament lo “despietadós atemptat” d’Ash Shabaab e a dich a las familhas de las victimas que planhiá lor dòl.
Al meteis endrech de Mogadisho, lo 14 d’octòbre de 2017 moriguèron mai de 587 personas dins un atemptat ont los terroristas faguèron espetar un camion.
Somalia es victima dempuèi 1991 d'una situacion de caos e de guèrras, après la casuda de la dictatura. En 2004, divèrsas faccions arribèron a un acòrdi per formar un govèrn de transicion, e en 2012 s’aprovèt una nòva Constitucion provisòria, mas fòrça mèdias considèran qu’es un estat en falhida.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari