Lo president turc, Recep Tayyip Erdoğan, a assegurat que Russia aviá reactivat l’acòrdi per exportar de cerealas ucraïnesas per la mar Negra. Lo Kremlin aviá romput lo pache dins la dimenjada passada après una ataca contra de vaissèls de son armada qu’èran sus aquela mar, en consequéncia de qué pogèt lo prètz del blat d’un 7,7% e del milh d’un 2,8%.
 
Segon Erdoğan, lo ministre rus de la defensa, Sergei Shoigu, a parlat amb son omològ turc, Hulusi Akar, e li a garentit que lo corredor d’exportacion de cerealas “demorariá coma fins ara”. Cal remembrar que se sarrèt lo pache en julhet passat amb Turquia e l’ÒNU.
 
Tanplan, lo president turc a apondut que las exportacions se priorizarián devèrs los païses africans, alara que lo Kremlin a agut plangut que la màger part de las naus ajan per destinacion de païses rics.