Grèu escambi de tirs de missils entre las doas Corèas. La Corèa del Nòrd a provocat lo senhal d’alarma amb lo lançament de mai d’una vintena de missils balistics e una centena de fuòcs d’artilhariá. D’un caire, Pyeongyang a violat un còp de mai las aigas japonesas. D’autre caire, an tirat 17 missils dins la mar dont un es pervengut dins las aigas de la Corèa del Sud, a 57 km de sa còsta orientala. Seol o a considerat coma una “invasion territoriala” e i a respondut en lançant tres missils aire-tèrra dins las aigas territorialas de la Corèa del Nòrd.
 
Seol acusa Pyeongyang de violar los acòrdis militars e a ordenat a l’armada de demorar en estat d’alèrta. Lo president sud-corean, Yoon Suk-yeol, a convocat lo conselh nacional de seguretat, e a demandat una responsa energica a quin assag significatiu que siá d’invasion del territòri.
 
Per quant al primièr ministre japonés, Fumio Kishida, a confirmat que lo país aviá ja presentat una nòta de protèsta a l’ambaissada nòrd-coreana a Pequin, e a remarcat que Pyeongyang agissiá a un “ritme sens precedent”.

 

North & South Korea have fired missiles off each other's coasts for first time. Kim should beware the law of unintended consequences. A bullet fired at Sarajevo led to a World War and 16 million dead;the 1950-53 Korea War to 3 million deaths. BBC Report - https://t.co/96YIkLE6fTpic.twitter.com/DfBy8VAPnx

— Lord (David) Alton (@DavidAltonHL) November 2, 2022