Actualitats
Un èx-ministre de l’Interior espanhòl reconeis que son ministèri contrarotlava los GAL
José Barrionuevo explica dins una entrevista que la polícia espanhòla aviá “cèrta autonomia” dins la guèrra bruta contra ÈTA
Tèxte legit
L’ex-ministre de l'Interior espanhòl José Barrionuevo (PSÒE) a reconegut al jornal El País, dins una entrevista, que son ministèri contrarotlava los GAL, un grop armat parapolicièr espanhòl que practiquèt lo terrorisme d’estat per combatre ÈTA entre 1983 e 1987 dins los estats espanhòl e francés. Dins l’entrevista, Barrionuevo explica que la polícia espanhòla aviá “cèrta autonomia” dins la guèrra bruta contra ÈTA.
Quant a la collaboracion amb l’estat francés, ditz que jamai pas foguèt completa, mas que lo govèrn espanhòl capitèt a desplegar sos servicis en territòri francés. Barrionuevo confèssa que quitament s’èra pensat de tuar Segundo Marey, detengut per error quand foguèt confondut amb un militant d’ÈTA. L’èx-ministre precisa que, quand se foguèt assabentat de l’error, demandèt que lo liberèsson.
De fach, en julhet del 1998, José Barrionuevo e l’èx-secretari d’estat encargat de la seguretat Rafael Vera foguèron condemnats per la Cort Suprèma espanhòla a dètz ans de preson e a dotze d’inelegibilitat per la sequestracion de Segundo Marey e per malversacion d’argent public. Tres meses après intrar en preson foguèron graciats.
Terrorisme d’estat
Los GAL practiquèron lo terrorisme d’estat per combatre ÈTA e son entorn politic, mai que mai dins lo Bascoat Nòrd e lo Bas Ador, quand la França de Mitterrand aviá mes fin a las extradicions a causa de las violacions dels dreches dels detenguts al sud dels Pirenèus. Demest los crimes mai remarcats del GAL, cal soslinhar l’atemptat contra l’ostalariá Monbar de Baiona e lo raubatòri, la tortura e l’assassinat de José Antonio Lasa e José Ignacio Zabala. L’activitat dels GAL davalèt quand Jacques Chirac venguèt primièr ministre de França en 1986 e tornèt autorizar l’extradicion de detenguts bascos devèrs l’estat espanhòl.
Divèrses procèsses judiciaris permetèron, a comptar de 1987, de melhor comprene lo foncionament dels GAL. Lo mai conegut pertòca lo raubatòri del ciutadan ispanofrancés Segundo Marey. En aqueles procèsses se condemnèt a de penas de preson de nauts responsables militars e politics espanhòls. Del costat francés, la justícia ne jutgèt e n’encarcerèt un trentenat.
Lo Partit Popular, qu’èra l’opausant del govèrn socialista, critiquèt e condemnèt los GAL. Totun, en agost de 1996, quand lo govèrn espanhòl èra comandat per José María Aznar, aqueste refusèt de liurar als jutges los documents dels servicis secrets que los reclamavan los magistrats per l’enquista suls crimes dels GAL, jos l’escampa qu’aqueles documents afectavan la seguretat de l’estat.
Après los GAL
Après los GAL, la situacion dels refugiats restacats a ÈTA dins lo Bascoat Nòrd foguèt pas pus la mateissa. D’un caire, d’efièch, los crimes dels GAL afectèron pas solament l’entorn de l’ÈTA mas d’autres ciutadans e se creèt un tal sentiment de paur al país que lo sector del torisme auriá quitament demandat a París qu’extradiguèsse los detenguts qu’Espanha reclamava.
D’autre caire, los GAL poguèron pas metre fin a ÈTA, mas al contrari, obtenguèron que la banda armada basquista, tanben terrorista, ganhèsse de sosten politic e social en Bascoat.
Quant a la collaboracion amb l’estat francés, ditz que jamai pas foguèt completa, mas que lo govèrn espanhòl capitèt a desplegar sos servicis en territòri francés. Barrionuevo confèssa que quitament s’èra pensat de tuar Segundo Marey, detengut per error quand foguèt confondut amb un militant d’ÈTA. L’èx-ministre precisa que, quand se foguèt assabentat de l’error, demandèt que lo liberèsson.
De fach, en julhet del 1998, José Barrionuevo e l’èx-secretari d’estat encargat de la seguretat Rafael Vera foguèron condemnats per la Cort Suprèma espanhòla a dètz ans de preson e a dotze d’inelegibilitat per la sequestracion de Segundo Marey e per malversacion d’argent public. Tres meses après intrar en preson foguèron graciats.
Terrorisme d’estat
Los GAL practiquèron lo terrorisme d’estat per combatre ÈTA e son entorn politic, mai que mai dins lo Bascoat Nòrd e lo Bas Ador, quand la França de Mitterrand aviá mes fin a las extradicions a causa de las violacions dels dreches dels detenguts al sud dels Pirenèus. Demest los crimes mai remarcats del GAL, cal soslinhar l’atemptat contra l’ostalariá Monbar de Baiona e lo raubatòri, la tortura e l’assassinat de José Antonio Lasa e José Ignacio Zabala. L’activitat dels GAL davalèt quand Jacques Chirac venguèt primièr ministre de França en 1986 e tornèt autorizar l’extradicion de detenguts bascos devèrs l’estat espanhòl.
Divèrses procèsses judiciaris permetèron, a comptar de 1987, de melhor comprene lo foncionament dels GAL. Lo mai conegut pertòca lo raubatòri del ciutadan ispanofrancés Segundo Marey. En aqueles procèsses se condemnèt a de penas de preson de nauts responsables militars e politics espanhòls. Del costat francés, la justícia ne jutgèt e n’encarcerèt un trentenat.
Lo Partit Popular, qu’èra l’opausant del govèrn socialista, critiquèt e condemnèt los GAL. Totun, en agost de 1996, quand lo govèrn espanhòl èra comandat per José María Aznar, aqueste refusèt de liurar als jutges los documents dels servicis secrets que los reclamavan los magistrats per l’enquista suls crimes dels GAL, jos l’escampa qu’aqueles documents afectavan la seguretat de l’estat.
Après los GAL
Après los GAL, la situacion dels refugiats restacats a ÈTA dins lo Bascoat Nòrd foguèt pas pus la mateissa. D’un caire, d’efièch, los crimes dels GAL afectèron pas solament l’entorn de l’ÈTA mas d’autres ciutadans e se creèt un tal sentiment de paur al país que lo sector del torisme auriá quitament demandat a París qu’extradiguèsse los detenguts qu’Espanha reclamava.
D’autre caire, los GAL poguèron pas metre fin a ÈTA, mas al contrari, obtenguèron que la banda armada basquista, tanben terrorista, ganhèsse de sosten politic e social en Bascoat.
Les declaracions de Barrionuevo reconeixent que els GAL els dirigia el govern espanyol revelen una atroç perversió moral.
— Jaume Alonso-Cuevillas i Sayrol (JACS) (@JACS_JaumeACS) November 7, 2022
Aquestes són les arrels de l’actual aparent democràcia. https://t.co/houcgSunrf
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara sabèm que lo ministre de l'interior del govèrn de Felipe González èra lo cap d'una còla d'assassins. Lo ditz el meteis. Totes los qu'o negavan ne devon èsser nècs. E que pensen un pauc mai : aquò's la pròva que i a pas jamai agut de ruptura amb lo franquisme. Pas estonant qu'ara los faissistas se passegen per carrièra en Espanha e fagan de manifestacions sens èsser entrepachats. Uèi encara, lo conse de Madrid, Almeida, a reivindicat la figura de Millán-Astray, lo general franquista, cap de còla de la legion que cridèt un jorn de 1936 : "Viva la muerte !" Tot un programa.
"Lo Partit Popular, qu’èra l’opausant del govèrn socialista,"… Aquò fa "vintage", non ? Al mens per las questions essencialas a tota posicion politica, es a dire "las questions economicas". Tot çò es venghut sonque teatre pseudodemocratic representatiu, dins la societat de l'espectacle.
E França a empreisonat d'opausant politics a l'occupacion francocastelhana d'Euskadi mai de trenta ans (e i son encara embarrats) quand de trafegaires de drògas, d'armas e/o d'esclavatge sexual (maffiosi) non ne fan que 22 ans al maximum… Quina bèla justícia, plan dreiturièra !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari