Actualitats
D’aperitius revendicatius per l’occitan a la television, lo 23 de novembre a Tolosa e Montpelhièr
Ara que lo govèrn francés prepara una granda reforma de l’audiovisual, lo Collectiu Occitan considèra qu’es un bon moment per se far ausir
Tèxte legit
Lo Collectiu Occitan a decidit de tornar far campanha per “l’occitan cada jorn a la television regionala” amb dos aperitius revendicatius lo 23 de novembre a 12h davant lo sit de France 3 a Montpelhièr e a Tolosa. A mai, lo collectiu vòl tanben aviar una campanha de mobilizacion per amassar de dons e contribucions per Jornalet.
Jol lèma “Volèm l’occitan a la television” aurà luòc dimècres 23 de novembre a miègjorn d’aperitius revendicatius davant los sètis de France 3 de Montpelhièr e de Tolosa. La crida la fa totjorn lo Collectiu Occitan, que reünís un desenat de movements occitanistas dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània e Macarèl.
Un bon moment per se far ausir
Après qualques ans de mobilizacion per la preséncia de l’occitan cada jorn a la television publica, lo Collectiu Occitan reüssiguèt a aduire l’afar fins a l’Assemblada Nacionala francesa. Ara, lo govèrn francés prepara una granda reforma de l’audiovisual e es un bon moment per se far ausir.
De soslinhar que 618 comunas votèron una mocion que sosteniá las demandas del Collectiu Occitan per la preséncia jornadièra de l’occitan a la television publica. En mai d’aquò, los departaments d’Aude e de la Nauta Garona votèron una mocion parièra del temps que lo departament de Gard mandava una letra de sosten al ministre de la cultura.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Ajudar Jornalet
Lo Collectiu, a mai, a decidit de se mobilizar per ajudar Jornalet “pr’amor qu’es una aisina fondamentala per la dignitat de la lenga, qu’es panoccitana e qu’es ja un forum”, çò explica Joan-Loís Blenet, copresident de Calandreta en tot remarcar qu’aqueste jornal es pas sostengut per cap de collectivitat del costat nòrd dels Pirenèus.
De fach, aqueste jornal patís un excès de trabalh e un finançament fòrça magre e per aquelas rasons ven de far una crida al sosten financièr e intellectual que lo Collectiu Occitan s’i es engatjat.
Dins aquela draia, avèm tanben establit d’acòrdis de cooperacion amb Ràdio Occitània, Ràdio Niça Pantais e Lo Diari.
Jol lèma “Volèm l’occitan a la television” aurà luòc dimècres 23 de novembre a miègjorn d’aperitius revendicatius davant los sètis de France 3 de Montpelhièr e de Tolosa. La crida la fa totjorn lo Collectiu Occitan, que reünís un desenat de movements occitanistas dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània e Macarèl.
Un bon moment per se far ausir
Après qualques ans de mobilizacion per la preséncia de l’occitan cada jorn a la television publica, lo Collectiu Occitan reüssiguèt a aduire l’afar fins a l’Assemblada Nacionala francesa. Ara, lo govèrn francés prepara una granda reforma de l’audiovisual e es un bon moment per se far ausir.
De soslinhar que 618 comunas votèron una mocion que sosteniá las demandas del Collectiu Occitan per la preséncia jornadièra de l’occitan a la television publica. En mai d’aquò, los departaments d’Aude e de la Nauta Garona votèron una mocion parièra del temps que lo departament de Gard mandava una letra de sosten al ministre de la cultura.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Ajudar Jornalet
Lo Collectiu, a mai, a decidit de se mobilizar per ajudar Jornalet “pr’amor qu’es una aisina fondamentala per la dignitat de la lenga, qu’es panoccitana e qu’es ja un forum”, çò explica Joan-Loís Blenet, copresident de Calandreta en tot remarcar qu’aqueste jornal es pas sostengut per cap de collectivitat del costat nòrd dels Pirenèus.
De fach, aqueste jornal patís un excès de trabalh e un finançament fòrça magre e per aquelas rasons ven de far una crida al sosten financièr e intellectual que lo Collectiu Occitan s’i es engatjat.
Dins aquela draia, avèm tanben establit d’acòrdis de cooperacion amb Ràdio Occitània, Ràdio Niça Pantais e Lo Diari.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Sense cap de poder, sense lòc de poténcia, non. Lo poder ? Deu disparéisser. Coma o disiá dins sa lenga, lo biologista Henri Laborit, al sègle passat ja : « Le moins qu'on puisse dire du pouvoir, c'est que la vocation en est suspecte. » Desolat per l'exotisme francés…
#5
Voletz cambiar lo mond, ambe ren, sens mejans, sens luòc de potencia, sens cap de poder. Començatz de far pròva de vòstre perficientat amb una amira mendre : Salvatz l’occitan ! Tanlèu fach agacharem pel mond.
#6
Cal demandar al Wauquiez. A d'argent a bodre per pagar de regalèmus a sos sostens per la presidenciala de 2027. Que ne done un pauc per l'occitan a la television, e pertot arrèu.
E la de vès Clarmont ??? L'Auvèrnha z-es totjorn obledada dins las lutas occitanistas, quo-es chiant !
#3 e #4 Efectivament, d'un punt de vista etic, e non pas "moral", mespresi tota publicitat, tota propaganda consumerista. Non pensi en particular a unas publicitats favorablas a l'occitan, mas a tota publicitat consumerista per principi, per definicion.
Incitar a parlar una lenga non es una incitacion a la consomacion de mèrças quinas de sián, a las òrbas, en tot se fotre de las consequéncias per la planèta e per la santat mentalas de totes los que, per manca de mejans non poiràn consomar çò qu'òm los incita publicitàriament a consomar.
Una television tot en occitan que nos vendriá assucar de publicitats debilitadoiras e alienadoiras me seriá aitant insofribla coma las milantas cadenas de television acutalas e realas que nos assucan d'aquel vomit mediatic de contunh dins d'autras lengas, quinas que sián.
E es per aiçò qu'ai indicat que voliái una televesion en occitan SENSE publicitat. Es per amor qu'apèli "publicitat" una propaganda incitativa a la consomacion de mèrça que non n'avèm besonh. Es aquò qu'apèli "un viòl mental".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari