CAPÇALERA PAIS INVISIBLE

Actualitats

Societat
crotz-tolosaCreated with Sketch.GasconhaBigòrraLavedan

Lo cardenal Jean-Pierre Ricard reconeis qu’abusèt d’una gojata de 14 ans quand èra prèire a Marselha

Lo procuraire de Marselha a dobèrt una enquista en precisant que, per ara, cap de denóncia es pas estada presentada

| Alessandro Bianchi / Reuters / Imatge d\'archiu

Tèxte legit

Lo cardenal Jean-Pierre Ricard, èx-evesque de Bordèu, reconeis qu’aguèt un “comportament irresponsable” amb una joventa de 14 ans quand el èra prèire a Marselha, fa 35 ans. La confession de Ricard la legiguèt diluns passat lo cap de la conferéncia episcopala francesa Éric de Moulins-Beaufort. “Mon comportament causèt necessàriament de consequéncias grèvas e duradissas a aquela persona”, çò escriguèt lo cardenal de 78 ans, en disent que se metiá a la disposicion de la justícia, tan civila coma canonica, e que demandava “perdon” a la victima.
 
Lo procuraire de Marselha, Dominique Laurens, a dobèrt una enquista en precisant que, per ara, cap de denóncia es pas estada presentada.
 
A Lorda, dins l’encastre de la conferéncia annadièra, Moulins-Beaufort assegurèt qu’11 evesques e èx-evesques de l’estat francés, dont Ricard, afrontavan d’acusacions davant la justícia civila o canonica per agression sexuala o per non-denóncia d’aqueles faches.
 
Arunan, dins l’encastre d’aquela amassada annadièra que fasián en Lavedan, la glèisa catolica francesa aviá anonciat que vendriá “de bens immobilièrs de la conferéncia dels evesques e de las diocèsis” per finançar un fons d’indemizacions per las victimas dels abuses sexuals.  Una comission independenta suls abuses sexuals dins la Glèisa catolica se creèt en 2018 après la revelacion de maites escàndols, e en 2020 anonciava ja de donadas esglasiantas, mas las donadas definitivas que se publiquèron l’an passat èran escandalosas. Segon lo rapòrt, 216 000 enfants foguèron victimas d’agressions sexualas entre las mans de clèrgues catolics. Se s’i apond las donadas de las victimas dels laïcs que trabalhan dins l’encastre de la glèisa catolica, alavetz la chifra arriba a las 330 000 victimas. Quant als prèires o monges assalhidors, la comission calcula que son entre 2900 e 3200.

 
 
 
 
abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pèire Autièr Ais de Savartés
2.

I a la gleisa dels bons crestians, que perdona, fugis — e qu'acaba cremada — e la del creator d'aqueste fotut mond, que possedís e qu'escarraunha — emai que te fa brandar aitan lèu coma t'aganta…

  • 9
  • 0
Huc Aubert
1.

se foguèsse musulman, adevinhatz lo prochan titol de "Valeurs":

... una religion de pedofilas?

  • 17
  • 2

Escriu un comentari sus aqueste article