Actualitats
Sarkozy auriá fach pression per que Qatar aculhiguèsse la Copa del Mond de fotbòl
L’èx-president de la FIFA, Joseph Blatter, reconeis dins una entrevista que causir Qatar “foguèt una error”
Tèxte legit
Lo 20 de novembre, començarà la Copa del Mond de fotbòl en Qatar, un eveniment cargat de polemica tanlèu anonciat en 2010. Ara, lo qu’èra alavetz president de la FIFA, Joseph Blatter, a reconegut que la causida de Qatar coma sedença foguèt una error. O ditz dins una entrevista dins lo principal quotidian soís lo Tages-Anzeiger en tot senhalar dirèctament Michel Platini, a aquela epòca president de l’UÈFA, coma responsable de la decision.
“Gràcias als quatre vòtes de Platini e de sa còla, la Copa del Mond serà en Qatar e non pas als Estats Units. Aquò es la vertat”, çò declara Blatter que considèra l’emirat del golf Persic coma un país tròp pichon per aculhir una competicion tan granda.
“Un afar d’argent”
Blatter explica qu'una setmana abans lo congrès de la FIFA de 2010, Michel Platini l'avertiguèt que l’atribucion del mondial als Estats Units foncionariá pas. Lo president de França d’aquel moment, Nicolas Sarkozy, aviá d’efièch quichat Platini per que los vòtes de la UEFA foguèsson per Qatar, après una reünion que l’aviá facha lo cap de l’Elisi amb lo prince eiretièr de l’emirat. “Sièis meses pus tard, Qatar crompèt d'avions de combat a França per una valor de 14,6 milions de dolars. Es evident que foguèt un afar d’argent”, çò assolida l’èx-president de la FIFA.
Blatter, suspendut de sa carga en 2015 per d’acusacions de corrupcion, a apondut que lo consens dins l’organizacion èra que Russia aculhiguèsse la Copa del Mond de 2018 e los Estats Units la de 2022.
“Gràcias als quatre vòtes de Platini e de sa còla, la Copa del Mond serà en Qatar e non pas als Estats Units. Aquò es la vertat”, çò declara Blatter que considèra l’emirat del golf Persic coma un país tròp pichon per aculhir una competicion tan granda.
“Un afar d’argent”
Blatter explica qu'una setmana abans lo congrès de la FIFA de 2010, Michel Platini l'avertiguèt que l’atribucion del mondial als Estats Units foncionariá pas. Lo president de França d’aquel moment, Nicolas Sarkozy, aviá d’efièch quichat Platini per que los vòtes de la UEFA foguèsson per Qatar, après una reünion que l’aviá facha lo cap de l’Elisi amb lo prince eiretièr de l’emirat. “Sièis meses pus tard, Qatar crompèt d'avions de combat a França per una valor de 14,6 milions de dolars. Es evident que foguèt un afar d’argent”, çò assolida l’èx-president de la FIFA.
Blatter, suspendut de sa carga en 2015 per d’acusacions de corrupcion, a apondut que lo consens dins l’organizacion èra que Russia aculhiguèsse la Copa del Mond de 2018 e los Estats Units la de 2022.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A ! çò qu'aurà pas fach lo Nicolaset per recuperar sa Cecília enfugida amb son galan a Qatar !
Aqueste 11 de novembre poriam aver una pensada esmoguda pels nòstres ancessors que fusquèron sacrificats. Lo 22 d’agost de 1914, fusquèc lo jorn ont i aguèc lo mai de tiats de tota la guèrra.
Se trobar qu’èra lo 17n. d’armada de Tolosa que i èra ambe soldats de tota la region, Arièja, òlt, òlt e garona, Gers, Nauta Garona, Tarn e Garona , Avairon i aguèc 5000 mòrts dins une jornada.
Era en Belgica entà Bertrix e devian anar de Bertrix entà Ochamps , lo 20n. regiment de Montalban e Marmanda dobrís lo camin seguit pel 18n. d’artilhariá de Tolosa.
Es un masèl 5000 mòrts 400 cavals de tiats, la sang rajava de pertot coma un riu, los soldats se coneissian èra vesins d’un meteis vilatge, d’un meteis maine, del cammàs d’enlà. Es d’aquel jorn que lo comandament decidiguèc de mesclar los regiments los uns ambe los autres.
Damoran 550 soldats amagats pels bosques, que n’en pòdon eissir, la populacion lor pòrta ajuda, atal un soldat de Montalban regent a La Magistèra encontrarà dins los bòsques una jove Belja s’enamoraran, s'escrivan. Tornarà en frança, moriguèc a la guèrra en 1916. La siá familha trobarà la dròlla que li portec ajuda lo son nom èra Juliette.
Lo 22 d’agost de 1914 es lo jorn ont i aguèc lo mai de tiats de tota la guèrra de 14-18, eron de nosaus.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari