Actualitats
Ensag sus Occitània e l’occitanisme
Gerard Tautil analisa la question occitana e prepausa de solucions politicas
Tèxte legit
IEO Edicions ven de publicar un ensag de Gerard Tautil sus Occitània e l’occitanisme dins lo qual l’autor dona son vejaire critic e constructiu sus la question occitana e ne prepausa d’analisis e de solucions politicas.
Aital, Tautil analisa la situacion politica e sociala del país al sen de França, d’Euròpa e del Mond, tracta la question politica occitana e un occitanisme que se cèrca a el meteis dins un encastre ultracentralista e quitament mençona lo “colonialisme interior” teorizat per Lafont. A mai, analisa lo jacobinisme, las politicas lingüisticas, los questionaments de la lenga occitana, lo desfís ecologic, social, politic etc., los movements socials, l’UE, Catalonha...
“L’occitanisme es acarat a una situacion politica perilhosa, en cèrca de marcas renovarèlas dins un contèxte de massificacion deis idèas dominantas e d’inversion dei valors ciutadanas. Entre amira culturala, que s’agota fàcia ai condicions sociologicas nòvas qu’an transformat lo país despuei seissanta ans, e cèrca de practicas politicas que trepejan d’annadas de reng, la Renaissença occitana es mai pausada aicí.”, çò precisa Tautil.
Aital, Tautil analisa la situacion politica e sociala del país al sen de França, d’Euròpa e del Mond, tracta la question politica occitana e un occitanisme que se cèrca a el meteis dins un encastre ultracentralista e quitament mençona lo “colonialisme interior” teorizat per Lafont. A mai, analisa lo jacobinisme, las politicas lingüisticas, los questionaments de la lenga occitana, lo desfís ecologic, social, politic etc., los movements socials, l’UE, Catalonha...
“L’occitanisme es acarat a una situacion politica perilhosa, en cèrca de marcas renovarèlas dins un contèxte de massificacion deis idèas dominantas e d’inversion dei valors ciutadanas. Entre amira culturala, que s’agota fàcia ai condicions sociologicas nòvas qu’an transformat lo país despuei seissanta ans, e cèrca de practicas politicas que trepejan d’annadas de reng, la Renaissença occitana es mai pausada aicí.”, çò precisa Tautil.
 | TAUTIL, Gerard. Contratemps. Letras sus Occitània e l’occitanisme. IEO Edicions, 2022. 175 paginas, 16 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari