La Cort de Justícia de l'Union Europèa (CJUE) a conclús que l'UE compta pro de mesuras per protegir las lengas minorizadas e que, per tant, es pas de besonh de nòvas proposicions legislativas de proteccion lingüistica. Amb aqueste argument a rebutat lo recors que lo depausèt en justícia l’iniciativa ciutadana europèa Minority Safe Pack, que considerava que caliá protegir per la lei las minoritats nacionalas e lingüisticas de l’UE. Aital, los jutges donan rason a la Comission Europèa, que considerava que caliá pas estendre la proteccion de las lengas minoritàrias al blòc comunautari.
 
L’iniciativa èra promoguda per l’Union Federala de las Nacionalitats Europèas (FUEN segon sa sigla anglesa) e reclamava la creacion d’un centre sus la diversitat lingüistica dins l’encastre de las lengas minorizadas finançat per l'UE e encargat de promòure la diversitat a totes los nivèls. Lo Minority Safe Pack demandava una modificacion de la legislacion europèa per garentir la liura prestacion de servicis e la recepcion de contenguts audiovisuals dins los païses de lengas e pòbles minorizats.
 
 
50 milions de ciutadans pertocats
 
Delà los occitanofòns, qu’en seguida del lingüicidi patit avèm pas un pes demografic fòrt, l’iniciativa concernissiá los aperaquí 50 milions de ciutadans de l’UE que fasèm partida d’una comunautat nacionala o lingüistica minorizada.


 

The Court decision states that the EC proceeded correctly in refusing to propose legal acts based on the @MSPI_EU.FUEN is surprised by the decision - but the quest for minority rights in the EU will continue regardless of today’s judgment. https://t.co/OdMgBeRFv5 — FUEN (@FUEN_Info) November 9, 2022