En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista del comedian Bruno Cecilhon, de la companhiá La Rampe / TIO que fa virar aquesta pèça de Marcèu Esquieu.

D’en primièr, es una pèça de Molière que conta las tribulacions d’un notable provincial vengut esposar una joveneta parisenca. Monsieur de Pourceaugnac foguèt escrich pels primièrs tempses de Molière a la cort del rei Loís XIV… Lo paure Marcèu Esquieu se tornèt apoderar aquela òbra per inversar la situacion amb un notable parisenc vengut esposar una jova meridionala. Aquò dona la pèça Molière d’Òc interpretada e mesa en scèna per la companhiá La Rampe / TIO que la fa virar en Naut Lengadòc e Comenge fins al 29 de decembre. Mai de precisions amb lo comedian Bruno Cecilhon.
 



 



 

fffff		fffff
	Monsieur de Pourceaugny en Occitània   Molière d’Òc es una adaptacion occitana de la pèça de Molière Monsieur de Pourceaugnac. Dins l’istòria originala, Sénher Pourceaugnac es un gentilòme lemosin que se’n va a París per se maridar amb Julie, la filha d’un gentilòme parisenc. Es lo paire qu’a decidit aquel maridatge e mai Julie siá amorosa del jove Erast. Mas Julie, Erast e la serventa metràn en plaça un estratagèma per desvalorizar l’òme lemosin e lo convéncer de fugir. Molière aprofiècha aquela situacion per i metre de scènas dramaticas e comicas ont denóncia la sufisença dels mètges e de las gents de París. Es tanben una pèça comica que ridiculiza los arquetipes diches “provincials” que, segon los parisencs, los aurián los occitans.   Amb l’adaptacion occitana, La Rampe-TIO invèrsa la situacion. L’istòria se passa dins una vila d’Occitània e Monsieur de Pourceaugny, un ric gentilòme parisenc, i ven per se maridar amb Julie. Aquí l’òbra se debana en occitan, e mai Pourceaugny parle un francés plan ponchut. S’agís d’una pèça per s’estraçar del rire qu’apond una valor sociala e umana e qu’interpèla nòstra societat.