Tèxte legit
Una finala inedita de la competicion mondiala tretzista se jogarà aqueste dissabte de vèspre a Manchester (Old Trafford).
Las doas mièjas finalas foguèron indecisas (e mai qu’indecisas).
Divendres, los Cangorós èran opausats als Kiwis. A la pausa, los neozelandeses menavan 14-10. Aprèp una penalitat ensacada, una autra jogada lèu-lèu a la man suspreniá los Kiwis e permetiá als australians de prene l’avantatge 16-14; malgrat una mièja orada d’esfòrces neozelandeses, cap de punt de mai foguèt pas marcat e los australians se ganhan lo dreit de defendre lor títol mondial.
E òm aviá encara pas res vist! Angleses e samoans se rescontravan per l’autra plaça en finala. Al primièr torn, los angleses avián passat 60 punts als jogaires del Pacific. Las causas se passèron plan diferentament aqueste dissabte a Londres.
Los samoans marcan los primièrs, puèi prenon un jaune, mas los angleses ne profièitan pas. A la 25a, l’ancian Dragon Catalan, Whitehead, marca, Makinson transforma; los samoans replican e menan 10-6 a la pausa. A la represa, los angleses marcan un ensag, mas los samoans tornan a nautor, puèi prenon l’avantatge. Los angleses egalizan a 20-20 sus penalitat. Pels samoans, a la 75a minuta, Crichton intercèpta una passa, e punta l’ensag aprèp 60 mètres de corsa. Ensag transformat. Los angleses fan córrer la palma e tornan a 26-26 a la 78a.
Ne cal passar pel punt en aur. Primièra temptativa de tombat mancada pels samoans, mas Stephen Crichton tusta de luènh e manda sa formacion a Old Trafford: 27-26 e daissa sonque los uèlhs per plorar als angleses!
Los australians seràn de segur los favorits de la finala, mas de qué son capables aqueles diables de samoans?
Un dur aprendissatge per las Blavas
La competicion femenina èra desequilibrada entre las professionalas dels antipòdes o d’Anglatèrra e las francesas amb lor campionat estequit.
L’addicion foguèt salada: 0-46 fàcia a las neozelandesas; 0-92 fàcia a las australianas; la partida foguèt mai sarrada amb las illas Cook, mas corta desfaita: 18-26.
La corona mondiala a defendre pel XIII-cadieral
Per contra, en XIII-cadieral, dins la fasa de polas, los Blaus an fait lo plen de punts: 154-6 contra Galas, 80-15 fàcia als escoceses e 116-6 contra los americans. En mièja finala, los Blaus mestregèron la partida d’un cap a l’autre fàcia als australians: 84-40 e, en tota logica, tornaràn trapar divendres en serada los angleses en finala, d'angleses qu’an eliminat sens pietat los galeses: 125-22!
Los Molinièrs passats a la molineta a l’Agulha
Divendres, èra dèrbi a l’Agulha entre Limós e Lesinhan. S’esperava una partida sarrada e òm aguèt un rescontre a sens unic. Al cap d’un quart d’oret, un Molinièr preniá un roge. Los Grizzlies saupèron, a la diferéncia de la setmana precedenta a Albi, utilizar aquela superioritat numerica per faire virar canturla als jogaires de Corbièras, marcar dètz ensages e véncer fin finala 56-10!
Dissabte, Avinhon èra despassat a St Estève pels Dragonets: 54-18. Albi va ganhar a Vilanòva: la sason va èsser longa pels Leupards qu’an encara pas ganhat una sola partida: 34-6.
Autra esquipa sens victòria: lo Tolosa Olimpic qu’encaissa quatre ensages dels Canaris de Carcassona XIII dins las primièras dètz minutas, un desenat al total e pèrdon 54-22. Morgan Escarré capita lo còp de capèl (3 ensages!) Fàcia als Orses de SentG audenç, los pianencs demòran mèstres sus lor pelena 22-14.
En Elèit 2, Illa de Tet va ganhar lo dèrbi a Baó 40-20 e o a ganhat tot dempuèi la debuta de la sason.
Los calendièrs de 2023
Los Dragons Catalans an pres coneissença de lor calendièr per 2023: entamenaràn la sason a Wakefield (lo divendres 17 de febrièr) e reçaupràn lo novèl pensionari de la competicion: los Leupards de Leigh lo dissabte 25 de febrièr a Brutus. Lo 3 de junh, per la Dimenjada Magica a Newcastle, l’adversari dels catalans serà Wigan.
Debuta de sason mai aborieva en Championship pel Tolosa Olimpic: desplaçament a Barrow lo 3 de febrièr e recepcion de Newcastle l’11 de febrièr.
Lo dissabte 18 de febrièr, se debanarà a Penrith la partida del World Club Challenge entre las Pantèras e Saint Helens.
Alan Roch
Las doas mièjas finalas foguèron indecisas (e mai qu’indecisas).
Divendres, los Cangorós èran opausats als Kiwis. A la pausa, los neozelandeses menavan 14-10. Aprèp una penalitat ensacada, una autra jogada lèu-lèu a la man suspreniá los Kiwis e permetiá als australians de prene l’avantatge 16-14; malgrat una mièja orada d’esfòrces neozelandeses, cap de punt de mai foguèt pas marcat e los australians se ganhan lo dreit de defendre lor títol mondial.
E òm aviá encara pas res vist! Angleses e samoans se rescontravan per l’autra plaça en finala. Al primièr torn, los angleses avián passat 60 punts als jogaires del Pacific. Las causas se passèron plan diferentament aqueste dissabte a Londres.
Los samoans marcan los primièrs, puèi prenon un jaune, mas los angleses ne profièitan pas. A la 25a, l’ancian Dragon Catalan, Whitehead, marca, Makinson transforma; los samoans replican e menan 10-6 a la pausa. A la represa, los angleses marcan un ensag, mas los samoans tornan a nautor, puèi prenon l’avantatge. Los angleses egalizan a 20-20 sus penalitat. Pels samoans, a la 75a minuta, Crichton intercèpta una passa, e punta l’ensag aprèp 60 mètres de corsa. Ensag transformat. Los angleses fan córrer la palma e tornan a 26-26 a la 78a.
Ne cal passar pel punt en aur. Primièra temptativa de tombat mancada pels samoans, mas Stephen Crichton tusta de luènh e manda sa formacion a Old Trafford: 27-26 e daissa sonque los uèlhs per plorar als angleses!
Los australians seràn de segur los favorits de la finala, mas de qué son capables aqueles diables de samoans?
Un dur aprendissatge per las Blavas
La competicion femenina èra desequilibrada entre las professionalas dels antipòdes o d’Anglatèrra e las francesas amb lor campionat estequit.
L’addicion foguèt salada: 0-46 fàcia a las neozelandesas; 0-92 fàcia a las australianas; la partida foguèt mai sarrada amb las illas Cook, mas corta desfaita: 18-26.
La corona mondiala a defendre pel XIII-cadieral
Per contra, en XIII-cadieral, dins la fasa de polas, los Blaus an fait lo plen de punts: 154-6 contra Galas, 80-15 fàcia als escoceses e 116-6 contra los americans. En mièja finala, los Blaus mestregèron la partida d’un cap a l’autre fàcia als australians: 84-40 e, en tota logica, tornaràn trapar divendres en serada los angleses en finala, d'angleses qu’an eliminat sens pietat los galeses: 125-22!
Los Molinièrs passats a la molineta a l’Agulha
Divendres, èra dèrbi a l’Agulha entre Limós e Lesinhan. S’esperava una partida sarrada e òm aguèt un rescontre a sens unic. Al cap d’un quart d’oret, un Molinièr preniá un roge. Los Grizzlies saupèron, a la diferéncia de la setmana precedenta a Albi, utilizar aquela superioritat numerica per faire virar canturla als jogaires de Corbièras, marcar dètz ensages e véncer fin finala 56-10!
Dissabte, Avinhon èra despassat a St Estève pels Dragonets: 54-18. Albi va ganhar a Vilanòva: la sason va èsser longa pels Leupards qu’an encara pas ganhat una sola partida: 34-6.
Autra esquipa sens victòria: lo Tolosa Olimpic qu’encaissa quatre ensages dels Canaris de Carcassona XIII dins las primièras dètz minutas, un desenat al total e pèrdon 54-22. Morgan Escarré capita lo còp de capèl (3 ensages!) Fàcia als Orses de SentG audenç, los pianencs demòran mèstres sus lor pelena 22-14.
En Elèit 2, Illa de Tet va ganhar lo dèrbi a Baó 40-20 e o a ganhat tot dempuèi la debuta de la sason.
Los calendièrs de 2023
Los Dragons Catalans an pres coneissença de lor calendièr per 2023: entamenaràn la sason a Wakefield (lo divendres 17 de febrièr) e reçaupràn lo novèl pensionari de la competicion: los Leupards de Leigh lo dissabte 25 de febrièr a Brutus. Lo 3 de junh, per la Dimenjada Magica a Newcastle, l’adversari dels catalans serà Wigan.
Debuta de sason mai aborieva en Championship pel Tolosa Olimpic: desplaçament a Barrow lo 3 de febrièr e recepcion de Newcastle l’11 de febrièr.
Lo dissabte 18 de febrièr, se debanarà a Penrith la partida del World Club Challenge entre las Pantèras e Saint Helens.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Finala feminina : Australia-NZ
En mièja-finalas :
Australia-Papoasia : 82-0
NZ-Anglatèrra : 20-6
https://treizemondial.fr/angleterre-aussi-privee-de-finale-australie-et-nouvelle-zelande-pour-une-revanche/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari