L’espectacle es bilingüe per la volontat d’un dels actors, qu'aviá estudiat la lenga d’òc. La siá proposicion encoratgèt sul pic lo rèsta de la companhiá, que i vegèt una escasença d’aur per far viure la lenga dins un projècte innovator. Mai encara: tant que l’òbra fa referéncia a las relacions intergeneracionalas, la còla d’Art Hache Scene considerèt que l’usatge de l’occitan èra idonèu per far lo ligam de la vièlha generacion que lo parla amb la nòva generacion d'enfants que l’aprenon a l’escòla. L’adaptacion a l’occitan es òbra d'Eric Astié.


 




Ça que la, la companhiá recòrda que l’occitan es una lenga amb de problèmas per çò qu'es del sieu usatge social, e per aquò demanda que l’usatge de la lenga nòstra siá pas un empach a l’ora de causir aquel espectacle. En aquel sens, apèlan tanben “los non-occitanistas” e los “qu'an ja oblidat la lenga” a assistir “amb los uèlhs plan dobèrts”. 



 



“Thèu” començarà a virar plan lèu pel territòri occitan e la companhiá a dobèrt lo periòde de contractacions. En total, l’espectacle compta amb la participacion de cinc actors e es possible far fins a doas representacions jornalièras. Lo debut serà lo 9 de junh al Teatre deu Parnàs (Théâtre du Parnasse) a Mamisan (Bòrn).