Actualitats
Eth Parlament de Catalonha qu’analise era situacion der occitan aranés
Era session met de manifèst era fragilitat dera lengua e era manca de finançament
Tèxte legit
Era comission de Cultura deth Parlament de Catalonha acuelhec dimèrcles passat ua session monografica entà raportar era situacion dera lengua occitana en Aran damb es intervencions de Jèp de Montoya, president der Institut d’Estudis Aranesi-Academia Aranesa dera Lengua Occitana (IEA-AALO), Jòrdi Suïls, coordinador deth Conselh Consultatiu der Aranés, e Veronica Barés, tecniciana de politica lingüistica deth Conselh Generau d’Aran.
Ena sua intervencion, Montoya senhalèc era fragilitat dera lengua, e demanèc qu’es govèrns dera Generalitat de Catalonha e deth Conselh Generau d’Aran agiguessen amassa ena sua promocion. Eth president der IEA-AALO diguec que calie damb urgéncia hèr un diagnostic e identificar es punts febles. Entada eth cau incidir en usatge sociau enes joeni e es enterpreses privades a on calerie hèr er aranés mès veseder. D’aute caire, tanben defenec qu’ei tostemp ua lengua viua e mencionèc tota ua tièra d’iniciatiues encoratjantes tara lengua, dont Jornalet.
Deth sòn costat, Suïls manifestèc eth besonh de traçar linhes estrategiques entar aranés e hè’c de manèra coordinada. Ath delà, demanèc d’establir ligams damb es auti territòris d’Occitània, e qu’aqueri ligams se hessen d’Aran estant. Eth coordinador deth Conselh Consultatiu der Aranés soslinhèc eth ròtle important dera escòla a on es escolans acaben er ensenhament primari en tot mestrejar era lengua, totun en tot plànher qu’en segondari er occitan quite d’èster lengua veïculara e se “se pèrd tot çò que s’auie artenhut”.
Enfin, Veronica Barés afirmèc que damb mès recorsi economics se poderien amiar a tèrme mès accions entà hèr mès visible er aranés en païsatge lingüistic. Tanplan revendiquèc qu’eth nòm dera lengua siguesse “aranés” quan se parle dera varianta occitana d’Aran e que s’empleguèsse eth tèrme “occitan” sonque quan se parle de tot er ensems dera lengua occitana. Totun, Barés soslinhèc especiaument eth desplegament de politiques lingüistiques adreçades as joeni.
Es tres intervenents coincidiren en demanar as autoritats de Catalonha era metuda en practica de politiques adreçades as joeni e demanèren qu’es airines que se dessenhen entath catalan, se pensèssen ar encòp entar aranés.
Ena sua intervencion, Montoya senhalèc era fragilitat dera lengua, e demanèc qu’es govèrns dera Generalitat de Catalonha e deth Conselh Generau d’Aran agiguessen amassa ena sua promocion. Eth president der IEA-AALO diguec que calie damb urgéncia hèr un diagnostic e identificar es punts febles. Entada eth cau incidir en usatge sociau enes joeni e es enterpreses privades a on calerie hèr er aranés mès veseder. D’aute caire, tanben defenec qu’ei tostemp ua lengua viua e mencionèc tota ua tièra d’iniciatiues encoratjantes tara lengua, dont Jornalet.
Deth sòn costat, Suïls manifestèc eth besonh de traçar linhes estrategiques entar aranés e hè’c de manèra coordinada. Ath delà, demanèc d’establir ligams damb es auti territòris d’Occitània, e qu’aqueri ligams se hessen d’Aran estant. Eth coordinador deth Conselh Consultatiu der Aranés soslinhèc eth ròtle important dera escòla a on es escolans acaben er ensenhament primari en tot mestrejar era lengua, totun en tot plànher qu’en segondari er occitan quite d’èster lengua veïculara e se “se pèrd tot çò que s’auie artenhut”.
Enfin, Veronica Barés afirmèc que damb mès recorsi economics se poderien amiar a tèrme mès accions entà hèr mès visible er aranés en païsatge lingüistic. Tanplan revendiquèc qu’eth nòm dera lengua siguesse “aranés” quan se parle dera varianta occitana d’Aran e que s’empleguèsse eth tèrme “occitan” sonque quan se parle de tot er ensems dera lengua occitana. Totun, Barés soslinhèc especiaument eth desplegament de politiques lingüistiques adreçades as joeni.
Es tres intervenents coincidiren en demanar as autoritats de Catalonha era metuda en practica de politiques adreçades as joeni e demanèren qu’es airines que se dessenhen entath catalan, se pensèssen ar encòp entar aranés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Vertat qu'aquel famós e subrebèl "nord enllà" paradisiac de la mitologia intellectuala catalana es puslèu situat a Paris, referència ufanosa e fantasmada, que dins l'inexistenta e fantomatica Occitània.
Emai se los occitans ensajan de se persuadar del contrari...
Ah ! Se lo parlament de Catalonha podia tanben analisar la situacion de l'occitan tot cort, es a dire sus Occitània Granda, e mandar una crida a França per denonciar lo linguicidi . Risca pas d'arribar, qu'a Barcelona, Paris li agrada tant !
Qual dels Castelhans o dels Catalans van manjar los Araneses ? Son ni un ni l’autre.
Paures Comengeses perduts de delà. Vos languissèm.
Passatz al tot francés e venètz a cò nòstre coma l’aiga de Garona.
E rai per la lenga, estant que totes los dialèctes occitans son malurosament a las escanas.
En França, los natius an abandonada la lenga occitana e lors enfants la coneisson pas.
Faretz pas melhor.
IEA-AALO ; un president, un coordinator e una tecniciana.... un gròs sigle, una titulatura ufanosa per un territòri pichinèl ont supause que tot lo monde se conèis, en particulièr dins la generacion que parla encara la lenga. Es pas un pauc ridicul aquò ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari