La cima de las Nacions Unidas pel clima, dicha COP27, se clavèt divendres passat dins la vila egipciana de Sharm Ash Sheikh amb l’aprobacion d’una resolucion que prevei la creacion d’un fons destinat a finançar los damatges climatics que  los patisson los païses pus vulnerables als efièches del cambiament climatic. La decision, qualificada d’istorica, s’aprovèt a l’unanimitat mas in extremis. Totun, lo tèxt final enfàcia pas la fin dels combustibles fossils demandada per qualques païses, e manten solament la reduccion progressiva de l’usatge del carbon, que ja se pachèt arunan.
 
Los estats an establit un consens sul besonh immediat de portar de ressorsas financièras addicionalas per ajudar los païses en desvolopament expausats a l’impacte del cambiament climatic. Dins aquel sens, se fa referéncia als desplaçaments forçats e als efièches sul patrimòni cultural, la mobilitat, la vida e los mejans de subsisténcia de las comunautats. Aital, se remarca l’importància de donar una responsa eficaça a las pèrdas e als damatges.
 
Los païses an decidit que los estats qu’emeton mai de CO₂ pòscan tanben contribuir al fons, coma es lo cas de China e d’Índia. Ça que la, lo tèxt es pauc ambiciós e i a fòrça detalhs a concretizar, dont la soma destinada a aquel fons e cossí se farà la garentida de las pèrdas e dels damatges causats.
 
Fin finala, la resolucion s’apròva après que de païses vulnerables o an reclamat pendent d’annadas, e trenta ans après que Vanuatu revendiquèt un fons d’assegurança per las nacions insularas que patiràn la pojada del nivèl de la mar.
 
De son latz, lo secretari general de las Nacions Unidas, António Guterres, s’es regaudit de l’aprobacion d’aquel fons, qu’es segon el un simbòl politic per rebastir la fisança perduda, mas se planh qu’aquò siá insufisent: “Las voses dels que fan frontièra amb la crisi climatica devon èsser escotadas. Las Nacions Unidas sostendràn aqueles esfòrces a cada pas del camin”, çò a dich. Pasmens, a reprochat als païses participants que sián pas d’acòrdi per reduire radicalament lors emissions.
 
Dins aquel sens, s’es tengut l’acòrdi de non despassar pas 1,5 gra d’efièch de sarra, ja pachat dins la cima de París fa 7 ans. Per Guterres s’agís “d’una linha roja que devèm pas traversar e per manténer aquesta tòca cal investir en massa dins las energias renovelablas e metre lo ponch final a la dependéncia dels combustibles fossils”. Enfin, lo secretari general a conclús que “lo Mond a de besonh encara d’un grand saut pertocant l’ambicion climatica”.

 

I want to pay tribute to the women, youth, indigenous people and all members of civil society pushing leaders for real #ClimateAction - here at #COP27 and around the world.

Let’s keep up the fight for climate justice, ambition & a greener, sustainable future for all. pic.twitter.com/Qlk7J01zEg

— António Guterres (@antonioguterres) November 20, 2022

I have returned to #COP27 to appeal to all negotiating to deliver the ambitious & meaningful #ClimateAction we so desperately need.

This is no time for finger pointing.
The blame game is a recipe for mutually assured destruction.

But #COP27 can make a difference here & now. pic.twitter.com/RPKfiGdACl

— António Guterres (@antonioguterres) November 17, 2022