Lo 1r de setembre passat, la calandreta de Vauriàs (Enclava dels Papas) faguèt sa tresena rintrada e cèrca totjorn de sostens financièrs.
 
Se pòt mandar de chècs a: Calandreta de Vauriàs, en çò d’A. Janczak, 759 Camin de la Còla (oficialament en francés Chemin de la Colline) - 84199 Aurenja, o se pòt realizar un transferiment bancari sul compte que veiretz sul document en clicant aicí.
 
Aquela calandreta es la 65a escòla associativa immersiva en occitan e la tresena de Provença e s’i aculhís d’enfants de 2 a 4 ans, per un ensenhament mairal.
 
Las calandretas son d’escòlas laïcas e associativas qu’an un contracte amb l’estat francés, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha e los parents se pòdon engatjar dins lo projècte fins ont voldràn. En mai d’aquò, cada calandreta a una relacion de proximitat amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts. La primièra calandreta se fondèt a Pau en 1979.



 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…