Lo patricolatge de l’Elisi qu’a portat la Copa del Mond de fotbòl a Qatar
Sarkozy prometèt a l’emir de Qatar de convèncer Platini se l’emirat crompava lo PSG e creava BeIN Sports
Tèxte legit
A la fin de 2010, qualques jorns abans que se decidiguèsse que Qatar aculhiriá la Copa del Mond de fotbòl d’ongan, los Estats Units èran l’endrech favorit per aculhir la competicion. Quitament lo president de l’UÈFA, Michel Platini, aviá dich en public que votariá per la candidatura americana. Lo 2 de decembre de 2010, se tenguèt lo vòte a Zuric. I assistiguèt l’èx-president estatsunidenc Bill Clinton, convencut que son país aculhiriá la Copa del Mond de 2022. Totun, contra tota espèra, Qatar ganhèt amb 14 vòtes en favor e 8 contra. Foguèt una decision estonanta, de las mai polemicas que se remembren. Los rapòrts de la comission de la FIFA sus Qatar èran desfavorables, per la calor, la manca d’infrastructuras, las dimensions del país e la manca de tradicion de fobtòl.
Aquelas declaracions de Blatter fan referéncia a de faches concrets. Lo 23 de novembre de 2010, sonque 9 jorns abans l’eleccion de la sedença de la copa del Mond, s’amassèron al palais de l’Elisi Sarkozy, lo prince eiretièr de Qatar, Tamim Al Thani; lo primièr ministre de Qatar, Hamad Al Thani; Michel Platini e Sébastien Bazin, amic del president francés e alara president del club del París Saint-Germain (PSG). I aviá tanben Sophie Dion, ministra dels espòrts, e Claude Guéant, secretari general del palais de l’Elisi.
Lo PSG e BeIN Sports en escambi de la Copa del Mond
Pendent aquel rescontre, Sarkozy prometèt a l’emir de Qatar que, se l’emirat crompava lo PSG e creava un canal d’espòrts, BeIN Sports, el convenceriá Michel Platini per qu’autregèsse a Qatar la Copa del Mond de 2022, coma o rapòrtan las enquistas de Mediapart e de France Football.
Sièis meses après l’adjudicacion de l’eveniment, Qatar Sports Investments (QSI), fons sobeiran de l’emirat, aqueriguèt un PSG qu’aviá de dificultats financièras. A comptar d’alavetz, QSI a investit fòrça argent dins l’esquipa fins al ponch de poder engatjar de jogador coma Leo Messi e Kylian Mbappé. Tanplan, la cadena de BeIN Sports crompèt tanben los dreches televisius de la Liga 1 francesa. D’alavetz ençà, la cadena paga de milions d’èuros pels dreches televisius del fotbòl francés. Justament, lo president de BeIN, Nasser Al Khelaifi, es tanben president de QSI e del PSG.
L’enquista de Mediapart explica que Qatar voliá investir sonque 30 milions d’èuros per crompar lo PSG, mas Sébastien Bazin capitèt a n’obténer mai del doble —precisament, 64— gràcias a l’ajuda del president francés. Detalhan tanben que Sarkozy e son filh Pierre mai tard foguèron recompensats financièrament per Accor, quand Bazin venguèt lo cap del grop ostalièr en 2014. De fach, aquel grop es lo partenari principal del PSG.
Qatar: 5760 minutas de fotbòl en escambi de 15 000 mòrts
Lo patricolatge a l’Elisi bastiguèt un fòrt ligam entre Sarkozy e la familha reiala qatarita. Coma exemple representatiu, lo primièr discors public de l’èx-president francés après pèrdre la presidenciala contra François Hollande lo faguèt a Al Dawha, capitala de Qatar, dins l’acadèmia esportiva Aspire, l’11 de decembre de 2012 dins un forum d’espòrt finançat per la Banca Nacionala de Qatar. Aquel jorn, Sarkozy metèt en valor son sosten a la Copa del Mond 2022 a l’emirat e ne soslinhèt l’importància politica.
Ni las autoritats de Qatar ni Sarkozy an pas jamai dich çò que se passèt durant aquela amassada a l’Elisi. Al començament de novembre, una enquista de The Sunday Times e de l’Ofici de Recèrca Jornalistica de Londres informava que l’emirat aviá espionat de jornalistas qu’avián enquistat sus l’afar, dont Yann Philippin de Mediapart.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pro de presentar Qatar (solament) per l'infern ! S'anatz veire pus pròche, veiretz que i a de bravas avançadas per los dreits de las femnas que se'n parla pas jamai enluòc en las televisions popularas d'Uròpa… Per exemple, las recentas reformas de las leis islamicas an permés d'abolir la tutela legala daus òmes sobre las femnas ! N'i a mai d'autres domenis que se badan per las femnas, coma l'educacion, la mòda, lo spòrt. Aitanben, vos conselhe bravament d'anar veire lo reportatge d'Arte que sèc : https://bit.ly/3U3u8JH
Atal an sarrat lo mercat, son tres, lo quatar aguèc la copa del mond de fotbòl , Lo PSG e Being spòrt, Sarko ? Platini ? segurament regraciats pel Quatar amb’una punhada de man…. Tssst !
Auriái agut aimat lo fotbòl, l’amariái pus brica !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Pro de presentar Qatar (solament) per l'infern ! S'anatz veire pus pròche, veiretz que i a de bravas avançadas per los dreits de las femnas que se'n parla pas jamai enluòc en las televisions popularas d'Uròpa… Per exemple, las recentas reformas de las leis islamicas an permés d'abolir la tutela legala daus òmes sobre las femnas ! N'i a mai d'autres domenis que se badan per las femnas, coma l'educacion, la mòda, lo spòrt. Aitanben, vos conselhe bravament d'anar veire lo reportatge d'Arte que sèc : https://bit.ly/3U3u8JH
La sanflora dels afars
Atal an sarrat lo mercat, son tres, lo quatar aguèc la copa del mond de fotbòl , Lo PSG e Being spòrt, Sarko ? Platini ? segurament regraciats pel Quatar amb’una punhada de man…. Tssst !
Auriái agut aimat lo fotbòl, l’amariái pus brica !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari