La Cort Suprèma britanica a estimat que lo parlament escocés a pas la competéncia de convocar un referendum sus l’independéncia sens lo consentiment del govèrn britanic. En consequéncia, lo tribunal permet pas al govèrn de Nicola Sturgeon d’organizar un vòte coma lo de 2014, qu’alavetz foguèt pachat amb lo govèrn del Reialme Unit. Lo naut tribunal a pres la decision sonque sièis setmanas après escotar los arguments dels govèrns britanic e escocés.
 
La Cort Suprèma respond aital a la demanda que la li faguèt lo govèrn escocés, qu’obtenguèt pas l’acòrdi del govèrn britanic per convocar un segond referendum.
 
Sturgeon aviá ja dich que lo referendum se tendriá pas se recebiá pas lo sosten de la Cort Suprèma pr’amor que lo resultat riscariá d’èsser pas reconegut per la comunautat internacionala. La primièra ministra escocesa prepausa, doncas, de considerar las eleccions britanicas coma plebiscitàrias e que l’SNP se presente amb un sol ponch dins lo programa electoral: l’independéncia d’Escòcia.
 
“La senténcia blòca un camin per far escotar la votz d’Escòcia sus l’independéncia, mas dins una democracia nòstra votz pòt pas èsser amudida, e o serà pas”, çò assolidèt Sturgeon.

 

1/ While disappointed by it I respect ruling of @UKSupremeCourt - it doesn't make law, only interprets it.
A law that doesn't allow Scotland to choose our own future without Westminster consent exposes as myth any notion of the UK as a voluntary partnership & makes case for Indy

— Nicola Sturgeon (@NicolaSturgeon) November 23, 2022