Valdemar Costa Neto, president del conservator Partit Liberal (PL), la formacion politica de Jair Bolsonaro, a demandat al Tribunal Superior Electoral (TSE) l’anullacion dels vòtes emeses per urna electronica pendent las darrièras eleccions qu’autregèron la victòria a Luiz Inácio Lula da Silva.
 
Segon las precisions del president del partit, mai de 279 300 maquinas de vòte aurián mostrat un “marrit foncionament”, malgrat que se’n siá pas presentat de pròvas. Costa Neto a publicat un vidèo qu’assegura que totas las urnas anterioras a 2020 an lo meteis numèro, çò qu’empediriá lo contraròtle e l’inspeccion de las maquinas pendent la votacion, e, per tant, per el es un argument valid per parlar de frauda electorala.
 
Dempuèi lo 30 d’octòbre, de milièrs de seguidors de Jair Bolsonaro an manifestat en talhant d’estradas en revendicant una intervencion militara. Bolsonaro a degut desaprovar publicament aquelas manifestacions del temps que Lula da Silva reprochava als manifestants de saber pas quitament perqué protestavan, e lor exigissiá “d’esportivitat” per acceptar los resultats.
 
Lo jutge president del TSE, Alexandre de Moraes, aviá ja avertit que las protèstas e los actes antidemocratics dels opausants als resultats de las eleccions al Brasil serián “combatuts amb la lei” e los responsables punits.

 
 
 

---

A Porto Alegre, de partisans de Bolsonaro an fach de senhals amb lors telefòns mobils per demandar l’ajuda d’extraterrèstres après que s’es parlat d’observacions d’òvnis.
 

Seguidores de Bolsonaro se concentran para pedir a los extraterrestres que acaben con el gobierno de Lula. Para establecer la comunicación, los ultraderechistas se colocan el teléfono móvil en la cabeza y hacen señales lumínicas. ¯\_(ツ)_/¯pic.twitter.com/KEIURtjkX0

— Eleméntal (@ElementalELM) November 21, 2022