Actualitats
L’occitan serà mai present sus France 3 Occitanie
Las mobilizacions del Collectiu Occitan per la lenga nòstra a la television regionala fan fruch
Tèxte legit
Las mobilizacions del Collectiu Occitan per la lenga nòstra a la television regionala fan fruch: entre d’autras promessas, France 3 Occitanie s’es engatjada a una fòrta campanha de comunicacion pendent la difusion dels 5 episòdis de 40mn en occitan de La Seria de Piget recentament acabats per tocar un plan larg public. Lo Collectiu Occitan promet de ne far la transmission mediatica.
Dimècres passat, e mai ploguèsse, se tenguèron d’aperitius revendicatius davant la sedenças de France 3 a Clarmont-Ferrand, Montpelhièr e Tolosa. Aquel darrièr acamp comptèt de representants de Calandreta, de l’IEO, de País Nòstre e mai lo conselhièr regional Benjamin Assié al nom de la presidenta Carole Delga. La còla de Viure al País ne rodèt un reportatge que s’emetrà uèi a 19h15 sus France 3 Occitanie. La directritz de la cadena, Rose Paolacci, recebèt una delegacion del Collectiu Occitan après aver participat a l’aperitiu revendicatiu e mostrat son sosten als manifestants.
Pendent l’entrevista, Paolacci assegurèt a la còla del Colleciu Occitan que la programacion en occitan seriá pas afectada per la baissa dels crèdits consecutiva a la supression de la redevença, que l’emission Viure al País seriá redifusada los dimècres de matin e que las emissions en occitan serián valorizadas sus la plataforma de redifusion de France TV. Tanben se promòura fòrça los episòdis de La Seria de Piget.
Paolacci tanben declarèt al Collectiu Occitan que la situacion semblava ara fòrça mai favorabla al desvolopament de l’occitan dins la cadena, coma tanben del catalan. Dins aquel sens, los occitanistas planguèron l’abséncia de Contracte d’Objectius e de Mejans (COM) pertocant l’audiovisual dins la region mentre que l’acòrdi signat entre France 3 e la region dicha Nòva Aquitània permet de desvolopar de faiçon pluriannadièra de projèctes, e mai per la television tot en occitan, Òc Tèle. Dins aquel sens, Paolacci se mostrèt “totalament dobèrta” a la remesa en discussion d’un COM, e lo besonh un “COM especificament occitan e catalan” poiriá tanben èsser considerat. De soslinhar que las finanças necessàrias per aumentar los tempses d’antena en occitan e produire de nòvas sèrias e de dessenhs animats en occitan vendrián pas de l’estat francés mas puslèu de la region.
Es de notar que Paolacci es còrsa, e foguèt directritz dels programas de la cadena Via Stella, de sa creacion en 2007 fins en 2012. A menat a bon tèrme lo projècte Via Stella, es donc fòrça plan plaçada per comprene las revendicacions malgrat las diferentas situacions politicas de cada region. En divèrsas escasenças Paolacci a ja manifestat sa sensibilitat per la preséncia de las lengas autoctònas dins los mèdias publics.
Un rencontre similar s’impausa ara amb la region. Mentretant, lo Collectiu Occitan se va amassar lèu a Tolosa.
Dimècres passat, e mai ploguèsse, se tenguèron d’aperitius revendicatius davant la sedenças de France 3 a Clarmont-Ferrand, Montpelhièr e Tolosa. Aquel darrièr acamp comptèt de representants de Calandreta, de l’IEO, de País Nòstre e mai lo conselhièr regional Benjamin Assié al nom de la presidenta Carole Delga. La còla de Viure al País ne rodèt un reportatge que s’emetrà uèi a 19h15 sus France 3 Occitanie. La directritz de la cadena, Rose Paolacci, recebèt una delegacion del Collectiu Occitan après aver participat a l’aperitiu revendicatiu e mostrat son sosten als manifestants.
Pendent l’entrevista, Paolacci assegurèt a la còla del Colleciu Occitan que la programacion en occitan seriá pas afectada per la baissa dels crèdits consecutiva a la supression de la redevença, que l’emission Viure al País seriá redifusada los dimècres de matin e que las emissions en occitan serián valorizadas sus la plataforma de redifusion de France TV. Tanben se promòura fòrça los episòdis de La Seria de Piget.
Paolacci tanben declarèt al Collectiu Occitan que la situacion semblava ara fòrça mai favorabla al desvolopament de l’occitan dins la cadena, coma tanben del catalan. Dins aquel sens, los occitanistas planguèron l’abséncia de Contracte d’Objectius e de Mejans (COM) pertocant l’audiovisual dins la region mentre que l’acòrdi signat entre France 3 e la region dicha Nòva Aquitània permet de desvolopar de faiçon pluriannadièra de projèctes, e mai per la television tot en occitan, Òc Tèle. Dins aquel sens, Paolacci se mostrèt “totalament dobèrta” a la remesa en discussion d’un COM, e lo besonh un “COM especificament occitan e catalan” poiriá tanben èsser considerat. De soslinhar que las finanças necessàrias per aumentar los tempses d’antena en occitan e produire de nòvas sèrias e de dessenhs animats en occitan vendrián pas de l’estat francés mas puslèu de la region.
Es de notar que Paolacci es còrsa, e foguèt directritz dels programas de la cadena Via Stella, de sa creacion en 2007 fins en 2012. A menat a bon tèrme lo projècte Via Stella, es donc fòrça plan plaçada per comprene las revendicacions malgrat las diferentas situacions politicas de cada region. En divèrsas escasenças Paolacci a ja manifestat sa sensibilitat per la preséncia de las lengas autoctònas dins los mèdias publics.
Un rencontre similar s’impausa ara amb la region. Mentretant, lo Collectiu Occitan se va amassar lèu a Tolosa.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A passat un temps, pres entre doas pòrtas per lo brave JL Blenet Macron tanben avia promès grandas causas per l'occitan. E n'i aguèt tanben per se'n regausir e cridar victòria, pecaire !
Promessa es un dèute .
Los compromés es promessas de venir colhons.
Promessa facha es un trabul per lo que l'a facha
De cap a ua tau pression, los capdaus de FR3 non podèn pas que plegar...en balhant promessas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari