Una manifestacion independentista percorreguèt las carrièras de Glasgow (o Glaschu en gaelic) dissabte passat per que contunhèsse lo procès d’independéncia d’Escòcia. I aguèt d’autres recampaments dins d’autres endreches del país.
 
La setmana passada, la Cort Suprèma britanica aviá estimat que lo parlament escocés aviá pas la competéncia de convocar un referendum sus l’independéncia sens lo consentiment del govèrn britanic. En consequéncia, lo tribunal permet pas al govèrn de Nicola Sturgeon d’organizar un vòte coma lo de 2014, qu’alavetz foguèt pachat amb lo govèrn del Reialme Unit.
 
La primièra ministra escocesa prepausa, doncas, de considerar las eleccions britanicas coma plebiscitàrias e que l’SNP se presente amb un sol ponch dins lo programa electoral: l’independéncia d’Escòcia. “La senténcia blòca un camin per far escotar la votz d’Escòcia sus l’independéncia, mas dins una democracia nòstra votz pòt pas èsser amudida, e o serà pas”, çò assolidèt Sturgeon.
 
 

Well done to the dedicated activists who marched to Pacific quay and rallied outside the BBC, stating loud and clear that we will continue to march and demonstrate until Scotland is free. The movement is galvanised - Now is the time to work together and up the ante #NoRestTillYespic.twitter.com/Y4hHtPbjh8

— All Under One Banner (@AUOBNOW) November 26, 2022