capçalera campanha

Actualitats

InternacionalPolitica

Lo rapaire iranian Tomaj Salehi risca la pena capitala per aver sostengut las protèstas

L'avocat designat per la familha a pas encara pogut consultar tota l'informacion sus l’afar de Salehi

Tèxte legit

La Cort Suprèma de la província d’Esfahan a acusat lo cantador de rap iranian Tomaj Salehi de “corrupcion sus la tèrra“, una acusacion que se punís amb la pena capitala, perque Salehi a donat son sosten a las protèstas antigovernamentalas consecutivas a la mòrt de Jina Amini.
 
Concretament, lo rapaire es acusat d’aver difusat de messorgas, d’aver realizat d’activitats de propaganda e de far partida de grops illegals amb l'intencion de perturbar la seguretat del país, segon l’agéncia estatala d’informacions ISNA.
 
Los representants de l’artista an confirmat l’acusacion sus son compte de Twitter après 29 jorns de silenci. A mai, an raportat que l’avocat que lo defendrà, causit per la familha, a pas encara pogut consultar totes los detalhs de l’afar.
 
Lo Guida de la Revolucion, çò es lo cap suprèm del regim teocratic islamista d’Iran, l’aiatollà Ali Khamenei, ordenèt dissabte passat a las milícias Basij, las fòrças paramilitaras que dependon de la mai nauta autoritat iraniana, que “puniguèsson” los “susmautaires e terroristas” que, segon el, son darrièr las protèstas.
 
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris


I a pas cap de comentari

Escriu un comentari sus aqueste article