Una insolita èrsa de protèstas comencèt dimenge de ser dins divèrsas universitats de Pequin e dins d’autras vilas de China, dont Shanghai, Nanping, Canton e Wuhan, en responsa a l’incident d’Ürümqui, la capitala de la region autonòma del Turquestan oriental oigor, sonada oficialament Xinjiang.
 
Durant aquel incident, dètz personas moriguèron dins un apartament a causa d’un incendi perque los pompièrs triguèron mai de tres oras per arribar. Los testimònis afirman que las victimas poguèron pas quitar l’apartament pr’amor de las duras restriccions contra la covid; lo govèrn chinés barra de còps d’immòbles entièrs amb de cadenas o ne blòca las sortidas. Lo govèrn desmentís qu'aquelas mesuras ajan quicòm a veire amb los dètz mòrts, mas los manifestants o creson pas.
 
La primièra granda manifestacion se tenguèt a Ürümqui lo meteis divendres. Las autoritats chinesas reagiguèron sul pic en adocissent fòrça las mesuras contra la covid dins aquela vila e en permetent als ciutadans de sortir dels quartièrs ont èran estats confinats, qualques unes dempuèi agost. Mas los imatges qu’an pogut virar, malgrat las restriccions d’Internet, provoquèron de manifestacions semblablas dins maitas vilas, dissabte de ser e sustot dimenge de ser.
 
Qualques unas d’aquelas manifestacions son anadas delà la protèsta contra las mesuras tant estrictas contra la covid-19. Suls rets se pòt veire de vidèos de Shanghai ont la molonada crida a la demission del president Xi Jinping e se recòrda dels estudiants mòrt sus la Plaça de Tiananmen en 1989.
 
Los mòrts d’Ürümqui son lo darrièr episòdi d’una longa tièra d’incidents mortals dins divèrsas vilas qu’an a veire amb la politica de covid zèro, aplicada amb fòrça duretat per las autoritats chinesas.
 
 

Manifestation de plusieurs centaines voire quelques milliers de personnes à #Shanghai ce soir, notamment contre la stratégie #ZéroCovid et ses conséquences.

"Nous voulons la liberté !", "Xi Jinping démission !"pic.twitter.com/CmECfXenMR

— Nicolas Berrod (@nicolasberrod) November 26, 2022

Zhengzhou. China.
Proteste gegen das #ZeroCOVID Regime#CrimesAgainstHumanitypic.twitter.com/8tL7J8UfiI

— Toad (@Toad76247890) November 24, 2022

 

Chinese people are rising up against the CCP’s #zerocovid” policies.
People have died because of it, locked in burning flats.
And then they have seen the World Cup and a lack of face masks or quarantine.
Chinese people kick communism out #UrumqiFirepic.twitter.com/KGQMIQDnWR

— Sovereignnews (@SovereignNews) November 28, 2022