Actualitats
Los jornals que publiquèron l’afar Cablegate fa 12 ans demandan als Estats Units qu’arrèsten de perseguir Assange
Dins una letra conjoncha recòrdan que las perseguidas judiciàrias contra jornalista establisson “un precedent perilhós” que menaça la libertat de la premsa
Tèxte legit
Lo 28 de novembre de 2010, fasiá 12 ans diluns passat, cinc mèdias internacionals — The New York Times, The Guardian, Le Monde, El País e Der Spiegel— publiquèron l’afar Cablegate: d’informacions reveladas per Wikileaks que raportavan de corrupcion, d’escàndols diplomatics e d’afars d’espionatge internacional. Ara, aqueles mèdias an publicat una letra conjoncha per tal de demandar que s’arrèste las perseguidas judiciàrias contra Julian Assange, fondador de Wikileaks. La letra comença en afirmant que “publicar es pas un crime. Lo govèrn estatsunidenc deu metre fin a las perseguidas judiciàrias contra Julian Assange per aver publicat d’informacion confidenciala”.
La letra remembra que per Julian Assange, lo Cablegate —e d’autres afars posteriors de revelacions mediaticas— a agut de consequéncias extrèmament grèvas. Après passar qualques annadas embarrat dins l’ambaissada d’Eqüator a Londres, lo jornalista australian foguèt arrestat en 2019 a la demanda de la justícia estatsunidenca, e fa ara mai de tres ans qu’es encarcerat dins una preson de nauta seguretat anglesa ont espèra la resolucion de son recors contra l’òrdre d’extradicion als Estats Units; i poiriá èsser condemnat a una pena de fins a 175 ans de preson.
“L’administracion Obama-Biden, al govèrn pendent las revelacions de WikiLeaks de 2010, s’abstenguèt de perseguir Assange, en precisant qu'aquò los auriá obligats tanben de perseguir de jornalistas d’autres grands mèdias. Lor posicionament metèt l’accent mai que mai sus la libertat de la premsa, quitament quand a de consequéncias incomòdas. Amb Donald Trump, aquel posicionament cambièt. La justícia estatsunidenca se fondèt alara sus una legislacion anciana, la lei d’espionatge de 1917 (aprovada per perseguir d'espions potencials pendent la Primièra Guèrra Mondiala), qu’èra pas jamai estada emplegada per perseguir degun que publiquèsse d’informacions confidencialas.”
La letra tanben precisa que l’afar Assange manca al primièr emendament de la Constitucion estatsunidenca e a la libertat de premsa.
En fin, la letra conclutz que lo fach de “revelar d’informacions confidencialas, cada còp qu’es de besonh per l’interès public, es una partida clau del trabalh quotidian dels jornalistas. S’aquel trabalh se criminaliza, nòstre discors public e nòstras democracias s’aflaquiràn significativament.”
La letra remembra que per Julian Assange, lo Cablegate —e d’autres afars posteriors de revelacions mediaticas— a agut de consequéncias extrèmament grèvas. Après passar qualques annadas embarrat dins l’ambaissada d’Eqüator a Londres, lo jornalista australian foguèt arrestat en 2019 a la demanda de la justícia estatsunidenca, e fa ara mai de tres ans qu’es encarcerat dins una preson de nauta seguretat anglesa ont espèra la resolucion de son recors contra l’òrdre d’extradicion als Estats Units; i poiriá èsser condemnat a una pena de fins a 175 ans de preson.
“L’administracion Obama-Biden, al govèrn pendent las revelacions de WikiLeaks de 2010, s’abstenguèt de perseguir Assange, en precisant qu'aquò los auriá obligats tanben de perseguir de jornalistas d’autres grands mèdias. Lor posicionament metèt l’accent mai que mai sus la libertat de la premsa, quitament quand a de consequéncias incomòdas. Amb Donald Trump, aquel posicionament cambièt. La justícia estatsunidenca se fondèt alara sus una legislacion anciana, la lei d’espionatge de 1917 (aprovada per perseguir d'espions potencials pendent la Primièra Guèrra Mondiala), qu’èra pas jamai estada emplegada per perseguir degun que publiquèsse d’informacions confidencialas.”
La letra tanben precisa que l’afar Assange manca al primièr emendament de la Constitucion estatsunidenca e a la libertat de premsa.
En fin, la letra conclutz que lo fach de “revelar d’informacions confidencialas, cada còp qu’es de besonh per l’interès public, es una partida clau del trabalh quotidian dels jornalistas. S’aquel trabalh se criminaliza, nòstre discors public e nòstras democracias s’aflaquiràn significativament.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Nos cal contunhar de ne parlar...
Per pas doblidar qu'es totjorn embarrat en preson !
Julian Assange es assassinat lentament e conscienciosament per la rason d'estat(s).
Vesi que la justicia es una pasta mòla que s'adapta totjorn als politics que governon.
Cal contunhar de se batre per la libertat ...Libertat de la premsa, libertat d'opinion, libertat de pensar, de dire, de denonciar,... !
Defendre e ajudar totes los que menon aqueste combat ! Es una lucha !
Un jorn se trobaràn tròp soles !
Desvolopar mai que mai l'esperit critic per las nòvas generacions !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari