capçalera campanha

Actualitats

InternacionalPolitica

Singapor despenaliza l’omosexualitat

Pasmens, se càmbia la Constitucion per s’assegurar que los maridatges pòscan èsser sonque eterosexuals

Tèxte legit

Lo govèrn de Singapor a abolit la polemica Lei 377A, de l’epòca coloniala, que punissá l’omosexualitat d’una pena de dos ans de preson. Lo ministre de la justícia, Kasiviswanathan Shanmugam, a declarat que la lei umiliava e greujava los omosexuals: “La majoritat d’eles causan pas cap de mal a degun, vòlon solament viure pacificament e amb tranquillitat e èsser acceptats coma part de la societat aital coma quin autre singaporian que siá”, çò a reconegut.
 
Totun, paradoxalament, lo parlament a tanben aprovat un emendament a la Constitucion per “protegir” lo maridatge eterosexual. Segon lo ministre, la màger part dels singaporians son en favor de “las nòrmas familialas e socialas actualas”. Dins una sondatge de Blackbox Research, lo 55% de la populacion se mòstran d’efièch contraris al matrimòni entre omosexuals.
 
Los grops LGBTQ, d’un caire, celèbran l’abolicion de la lei, mas de l’autre manifèstan lor chepic per la lei del maridatge. Solament los parelhs legalament maridats an de beneficis en matèria d’abitatge e d’ajudas financièras.

 

abonar los amics de Jornalet

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Chatbèrt de Barbairàn
4.

#3 E que non nos a pas empachat d'èsser envasits per França…

  • 1
  • 0
Lo Grand Jòc
3.

Sensa cap dobte vaqui una decision biaissuda que los empacharà de se far envasir per China.

  • 0
  • 0
Guilhem e Flamenca
2.

Consolatz-vos, amics omo-sexuals : Amor non es enfantament. Amor non es maridatge. Amor non es amistat. Amor non es interès ni profièit pesonal, familial ni politic. Amor non a per lei qu'Amor. E tot çò mai non es d'Amor… E qué pòt ben valer çò que non es Amor ?

  • 7
  • 3
Bob Tolon
1.

Quina marrida novèla !

  • 0
  • 10

Escriu un comentari sus aqueste article