Actualitats
D’importants cargaments d’urani de Russia arriban a Pèiralata via Duunkerke
França es totjorn dependenta de Russia en çò que tanh al nuclear
Tèxte legit
Lo 29 de novembre passat, arribèron al pòrt de Duunkerke (Flandra), en provenença de Russia, qualques desenas de barricas d’urani enriquit e dètz contenedors d’urani natural. Puèi, aquel urani seriá estat desplaçat per estrada e per tren devèrs Peiralata (Tricastin) ont se fabrica lo combustible per las centralas nuclearas francesas,çò rapòrta Reporterre.
L’estat francés es pas dependent de Russia per se provesir en urani natural, mas si qu’o es per “«reciclar» l’urani sortit dels combustibles utilizats dins los 56 reactors del pargue”, segon Le Monde que precisa que la sola installacion capabla d’o far es en Siberia.
De son latz, Greenpeace constata qu’a la fin d’agost i aguèt una liurason de 52 barricas d’urani de Russia a França. L’ONG exigís l'arrèst definitiu de tot comèrci nuclear amb Russia: “Lo nuclear permetrà pas jamai nòstra independéncia energetica”, çò assegura l’organizacion.
L’estat francés es pas dependent de Russia per se provesir en urani natural, mas si qu’o es per “«reciclar» l’urani sortit dels combustibles utilizats dins los 56 reactors del pargue”, segon Le Monde que precisa que la sola installacion capabla d’o far es en Siberia.
De son latz, Greenpeace constata qu’a la fin d’agost i aguèt una liurason de 52 barricas d’urani de Russia a França. L’ONG exigís l'arrèst definitiu de tot comèrci nuclear amb Russia: “Lo nuclear permetrà pas jamai nòstra independéncia energetica”, çò assegura l’organizacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
Es que l'epòca que vivèm revèrta fòrça la de la casuda de l'empèri roman.
#1
Lo nucleari dintra pas dins la tièra de las sanccions a l’encontra de Russia.
Aquela liurason dintra dins un pàti Fransa-Russia signat en 2018 ambe Rosatom
L’URE (Urani de Retratament enriquesit), non pòt venir sonque de Russia. Aquela liurason concernís la materià que Fransa a mandada cap a Russia en 2021.
Cal saber que Russia vend lo gas a Indià que lo torna vendre a Europa, segur qu’indià pren son dequé dins la transaccion.
Aquò rai, Russia contunha sa venda de gas a Europa de per lo gasoduc « Yamal Europa » e per l’autre Gasoduc « Brotherhood, passent per Ucraina…
Puèi de doblidar pas qu’Ucraina per lo gas que passa per sa terra, venent de Russia toca atanben dos arrendas, prés al passatge, una en especiàs e l’autra al travers de moneda.
Per la pontanada 2020-2025 son 7 Milhards d’euros encaissat per Ucraina.
Las causas son plan entrebescadas e per las desembescar caldrà d’annadas. Se pausa la question de saber se i avèm un interest o pas, caldrià pas s’estraviar tanpauc.
Pòt agradar o agradar pas, mas es atal l’auríu dels afars.
Per çò qu'es de las resèrvas :
Los país productors son : (Cazacstan + Canadà + Austràlia + Namibia) =80% de las resèrvas mondialas.
Lo Desvolopament de reactors a neutrons de 4n. generacion, capvira la nocion de resèrva d’urani, d’aqui qu’aqueles reactors fan servir directament l’isotòp 238 dich fertil qu’es 100 còps mai sobrondant que l’urani 235. Atal la question de resèrvas d’urani se pausa pus del meteis biais. Los RNR porian far servir l’urani 235 empaurit que ven dels generators 1 -3n. generacion que son actualament dins los fondegues coma rebrècs .
I a tanben lo « thorium » un autre metal fertil que pòt èsser pels reactors a neutron d’aviat (reactor a sal fonduda). Aquelas resèrvas son de 3 a 5 còps maitas dins la rusca terrenal que l’urani 235.
“Lo nuclear permetrà pas jamai nòstra independéncia energetica”, çò assegura l’organizacion. Independéncia energetica, aquò signifaca doas causas : o qu'avèm de pretòli, d'urani o d'autres combustible a çò sieu, o que non avèm mai besonh d'energia, coma après la casuda de l'empèri roman. Tant val dire que l'independéncia energetica es una utopia per mantas regions del mond.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari