Actualitats
Las fèstas de l’ors inscrichas al patrimòni mondial de l’UNÈSCO
Tres vilatges de Catalonha Nòrd celèbran encara uèi aquela fèsta
Tèxte legit
La novèla es coneguda dempuèi aqueste dimars 29 de novembre de 2022: las fèstas de l’ors fan lor intrada al patrimòni cultural immaterial de l’UNÈSCO. La candidatura èra estudiada a Rabat en Marròc ont se tròba una delegacion catalana, çò rapòrta France 3.
Es doncas oficial: las fèstas de l’ors fan partida d’ara enlà del patrimòni cultural immaterial de l’UNÈSCO, après de 10 ans de paciéncia e cambadas. La novèla arribèt dins l’après-miègjorn sul compte Twitter de l’UNÈSCO.
Una consagracion pels vilatges d’Arles de Tec, Prats de Molló i la Presta e Sant Llorenç de Cerdans. Sols aqueles tres vilatges de Catalonha Nòrd celèbran encara uèi aquela fèsta de l’ors o Caça de l’Ors, una tradicion pendent la quala d’òmes desguisats en animal acorsan los abitants.
La reconeissença d’un ritual multisecular
Dins la region, l’ors es lo personatge central d’una legenda que ramenta l’implantacion tradicionala d’aquel plantigrad dins los Pirenèus en lo restacant al Carnaval, ritual de fertilitat e de feconditat. Un còp èra, la fèsta de l’ors marcava la partença dels caçaires dels vilatges del Naut Valespir a la caça de l’ors. Es mençonada dins un tèxt de 1424 en Catalonha.
Aquela candidatura èra portada per França mas tanben per Andòrra ont una comuna, Encamp, aculhís tanben aquela fèsta, que se ten cada an a la fin de l’ivèrn, al mes de febrièr. Aquela victòria “istorica” foguèt saludada amb la meteissa glòria de cada caire de la frontièra.
Lo 17 de decembre de 2014, las tres fèstas catalanas èran ja estadas inscrichas a l’inventari del patrimòni cultural immaterial de França, preludi a aquela candidatura al patrimòni mondial de l’UNÈSCO. En 2021, las tres fèstas de l’ors avián degut èsser anulladas dins los tres vilatges en causa de la pandemia de la covid-19.
Amassat a Rabat en Marròc, lo comitat del patrimòni cultural immaterial de l’UNÈSCO a tanben inscrich dins sa lista novèla la cultura de la preparacion del bòrshch ucraïnés o encara las tecnicas tradicionalas de transformacion del tè e las practicas socialas qu’i son associadas en China.
Es doncas oficial: las fèstas de l’ors fan partida d’ara enlà del patrimòni cultural immaterial de l’UNÈSCO, après de 10 ans de paciéncia e cambadas. La novèla arribèt dins l’après-miègjorn sul compte Twitter de l’UNÈSCO.
Una consagracion pels vilatges d’Arles de Tec, Prats de Molló i la Presta e Sant Llorenç de Cerdans. Sols aqueles tres vilatges de Catalonha Nòrd celèbran encara uèi aquela fèsta de l’ors o Caça de l’Ors, una tradicion pendent la quala d’òmes desguisats en animal acorsan los abitants.
La reconeissença d’un ritual multisecular
Dins la region, l’ors es lo personatge central d’una legenda que ramenta l’implantacion tradicionala d’aquel plantigrad dins los Pirenèus en lo restacant al Carnaval, ritual de fertilitat e de feconditat. Un còp èra, la fèsta de l’ors marcava la partença dels caçaires dels vilatges del Naut Valespir a la caça de l’ors. Es mençonada dins un tèxt de 1424 en Catalonha.
Aquela candidatura èra portada per França mas tanben per Andòrra ont una comuna, Encamp, aculhís tanben aquela fèsta, que se ten cada an a la fin de l’ivèrn, al mes de febrièr. Aquela victòria “istorica” foguèt saludada amb la meteissa glòria de cada caire de la frontièra.
Lo 17 de decembre de 2014, las tres fèstas catalanas èran ja estadas inscrichas a l’inventari del patrimòni cultural immaterial de França, preludi a aquela candidatura al patrimòni mondial de l’UNÈSCO. En 2021, las tres fèstas de l’ors avián degut èsser anulladas dins los tres vilatges en causa de la pandemia de la covid-19.
Amassat a Rabat en Marròc, lo comitat del patrimòni cultural immaterial de l’UNÈSCO a tanben inscrich dins sa lista novèla la cultura de la preparacion del bòrshch ucraïnés o encara las tecnicas tradicionalas de transformacion del tè e las practicas socialas qu’i son associadas en China.
BREAKING
— UNESCO #Education #Sciences #Culture (@UNESCO) November 29, 2022
New inscription on the #IntangibleHeritage List: Bear festivities in the Pyrenees.
Congratulations #Andorra and #France !
https://t.co/n5nd2IfvLJ#LivingHeritagepic.twitter.com/mOA5rbfTSA
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La fèsta de l'ors se tèn a chasque carnaval dins mon vilatge e dins d'autres
vilatjons alpencs de val Cluson e Doira.
#2 Saquelà oquesto recounèixensso pèr l'UNESCO es pas qu'uno etiqueto, lo lengo sioguèsso recounegudo es pas aco que l'empachorio de creva !
Salvagardar d'elements folclorics localistas, si ben ! Mas per empachar l'esfaçament deliberat de nacions sense estat, podètz comptar sus aicesta e dançar de longa !
Vertat qu'aprèp :
la "baguette" de pan parisenca, l'aigardent de prunas sèrba šljivovica, la harissà tunisiana, lo reggae jamaïcan, la pizzà napolitana, lo bòrshch ucraïnés, lo perfum de Grassa, lo mariachi mexican, l'art gastronomic francés...eca...eca... èra pas que justicia d'apondre TANBEN las fèstas pirenencas de l’ors a-n-aquel florilègi prestigiós del Patrimòni Cultural Immaterial Mondial de l’UNÈSCO.
- E l'occitan ?
- Qué ?
- L'occitan,òc, sabètz, la lenga occitana, l'inscrivarètz tanben al patrimòni cultural mondial ?
- Mas badinatz ! Sem una institucion seriosa, me damne !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari