Actualitats
Iran: lo procuraire general anóncia la dissolucion de la polícia de la morala
Ditz tanben que se trabalha per una modificacion de la lei sus l’usatge obligatòri de l’hijab
Tèxte legit
Lo procuraire general d’Iran, Mohammad Jafar Montazeri, a anonciat la dissolucion de la polícia de la morala. Aquel grop policièr es implicat dins la mòrt de la jove Jina Amini per aver pas portat “adeqüatament” lo cairat islamic e aver mostrat son pel. Aquel grèu incident a desencadenat una avalanca de manifestacions contra lo regim teocratic qu’a causat fins ara qualques centenas de mòrts.
“La polícia de la morala es estada desmantelada per la meteissa gent que la creèt”: es tot çò que diguèt Montazeri la dimenjada passada pendent una reünion dins la vila de Qom, abans de dire qu’aquela organizacion, encargada de l’observacion de las valors tradicionalas islamicas, “a pas res a veire amb la magistratura iraniana”. Totun, aquela informacion es pas estada encara confirmada pel govèrn.
Lo procuraire a explicat qu’avián pres aquela decision perque vòlon trobar “una solucion prudenta”. Cal remembrar que la polícia de la morala, tanben dicha patrolha Irshad, es objècte de sancions internacionalas per la repression de la populacion pendent las protèstas, mai que mai son responsable a Teheran, Ahmad Mirzaei.
Tanplan, Montazeri a dich que lo parlament iranian e un organisme especial dirigit pel president d’Iran, Ebrahim Raissi, trabalhavan per una modificacion de la lei sus l’usatge obligatòri de l’hijab, sens especificar cossí seriá lo nòu tèxt.
“La polícia de la morala es estada desmantelada per la meteissa gent que la creèt”: es tot çò que diguèt Montazeri la dimenjada passada pendent una reünion dins la vila de Qom, abans de dire qu’aquela organizacion, encargada de l’observacion de las valors tradicionalas islamicas, “a pas res a veire amb la magistratura iraniana”. Totun, aquela informacion es pas estada encara confirmada pel govèrn.
Lo procuraire a explicat qu’avián pres aquela decision perque vòlon trobar “una solucion prudenta”. Cal remembrar que la polícia de la morala, tanben dicha patrolha Irshad, es objècte de sancions internacionalas per la repression de la populacion pendent las protèstas, mai que mai son responsable a Teheran, Ahmad Mirzaei.
Tanplan, Montazeri a dich que lo parlament iranian e un organisme especial dirigit pel president d’Iran, Ebrahim Raissi, trabalhavan per una modificacion de la lei sus l’usatge obligatòri de l’hijab, sens especificar cossí seriá lo nòu tèxt.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Simbolicament, aquesta abolicion a son importància.
Aquò empacha pas qu'es una trapèla grossièra, perque la repression contunharà d'escondons, e mai ferotja encara tant que serà pas denonciada publicament dins lo mond entièr.
Probable que los Iranians qu'an lor pro de la teocracia assassina se daissaràn pas enganar. Lo messatge es mai de cap a l'exterior per que los afairistas pòscon tornar sens vergonha a far virar las dardenas amb los mollahs. Sabi pas cossí se ditz oligarca en farsi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari