Actualitats
La Rampe-TIO a començat la virada de Quesaquò e Mascomprés
Una comèdia al servici de l’occitan, del sòmi e dels imaginaris
Tèxte legit
A començat la virada de Quesaquò e Mascomprés, lo darrièr espectacle de teatre de La Rampe-TIO que presenta una comèdia per petits e grands, que fa intrar lo public dins la lenga occitana pel biais d’un vocabulari simple e d’una polida istòria sus l’acceptacion e l’importància dels imaginaris. La pèça se representèt ièr a Bisa (Menerbés), dijòus se jogarà a Montlaur (Corbièras), diluns que ven, 12 de decembre, a Rius de Menerbés e l’endeman a Fluris (Narbonés). Consultatz l’agenda aicí.
L’estetica
La pèça se presenta dins una estetica retrofuturista del genre steampunk, inspirada del dessenh industrial del sègle XIXn; çò es un imaginari a caval entre Jules Verne e Enki Bilal ont lo metal, la mecanica, l’òme-engenh e l’accessòri arqueofuturista pegan a la psicologia dels personatges de l’espectacle. Un mond d’esteticas dins lo qual los enfants pòdon imaginar, inventar, se transpausar entre passat e futur.
L’istòria
Quesacò e Mascomprés son dos compaires complementaris, lo primièr es un pausaire de questions e lo segond es un sabent engenhaire qu’a responsa a tot. Amb lor companh pichon Marchadedins, qu’es un pauc desgaubiat, adòran d’escotar e somiar las istòrias que lor conta lo “Chivau drapèu”, un personatge meravilhós. Mas atencion, l’istòria se pòt complicar...
Sus scèna apareisseràn d’esplechas engenhosas que portaràn de suspresas als espectators.
Mai d'informacions sul sit web de Quesacò e Mascompés
Amb lo sosten del Departament d'Aude
L’estetica
La pèça se presenta dins una estetica retrofuturista del genre steampunk, inspirada del dessenh industrial del sègle XIXn; çò es un imaginari a caval entre Jules Verne e Enki Bilal ont lo metal, la mecanica, l’òme-engenh e l’accessòri arqueofuturista pegan a la psicologia dels personatges de l’espectacle. Un mond d’esteticas dins lo qual los enfants pòdon imaginar, inventar, se transpausar entre passat e futur.
L’istòria
Quesacò e Mascomprés son dos compaires complementaris, lo primièr es un pausaire de questions e lo segond es un sabent engenhaire qu’a responsa a tot. Amb lor companh pichon Marchadedins, qu’es un pauc desgaubiat, adòran d’escotar e somiar las istòrias que lor conta lo “Chivau drapèu”, un personatge meravilhós. Mas atencion, l’istòria se pòt complicar...
Sus scèna apareisseràn d’esplechas engenhosas que portaràn de suspresas als espectators.
Mai d'informacions sul sit web de Quesacò e Mascompés
Amb lo sosten del Departament d'Aude
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E dijòus que ven 15 de decembre, a 3 oras del vèspre, a l'Anciana Comuna de Carcassona, representacion de Minòt per Gèli Buonomo e Delfina Sire. Una creacion en occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari