Actualitats
La vicepresidenta del Parlament Europèu Eva Kaili interpelada per corrupcion amb Qatar
Un ret de corrupcion auriá recebut illegalament d’argent de Qatar per influenciar las decisions de la cambra europèa
Tèxte legit
La presidenta del Parlament Europèu, Roberta Metsola, a suspendut de totas sas competéncias e poders la vicepresidenta Eva Kaili, implicada dins un presumit ret de corrupcion qu’auriá recebut illegalament d’argent de Qatar per influenciar las decisions de la cambra europèa. En consequéncia, Kaili pèrd totas sas competéncias mas pas lo títol de vicepresidenta car sola l’assemblada entièra li o pòt levar. A mai, lo Movement Socialista Panellenic (PASOK) l’a expulsada del partit.
La polícia bèlga escorcolhèt divendres l’abitatge d’Eva Kaili e la detenguèt per l’interrogar a prepaus d’aquel ret de corrupcion. A mai, lo ministèri public de Belgica assabenta que s’es arrestat d’autras quatre personas. Demest los detenguts i auriá lo deputat bèlga Marc Tarabella, l’èx-eurodeputat socialista italian Pier-Antonio Panzeri, qualques assistents parlamentaris e lo secretari general de la Confederacion Europèa dels Sindicats, Luca Visentini, çò rapòrtan Le Soir e Knack.
Las perquisicions an confiscat environ 600 000 èuros e d’ordenadors e telefòns intelligents per los analisar.
La polícia bèlga escorcolhèt divendres l’abitatge d’Eva Kaili e la detenguèt per l’interrogar a prepaus d’aquel ret de corrupcion. A mai, lo ministèri public de Belgica assabenta que s’es arrestat d’autras quatre personas. Demest los detenguts i auriá lo deputat bèlga Marc Tarabella, l’èx-eurodeputat socialista italian Pier-Antonio Panzeri, qualques assistents parlamentaris e lo secretari general de la Confederacion Europèa dels Sindicats, Luca Visentini, çò rapòrtan Le Soir e Knack.
Las perquisicions an confiscat environ 600 000 èuros e d’ordenadors e telefòns intelligents per los analisar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4
De vos legir una pensada me fasquèc tremir. Avetz d’imaginacion çaquelà, contunhatz, contra corretz cap a çò que voldretz. Iò m’en vau querre una carriòla de lenha e dos tres braves ascles per tenir lo fuòc, tora dins l’aire ara.
#3 Los dos problèmas d'aquelas leis, europèas, francesas o qué te sabi mai, son que :
1) son leis ultralibralas, valent a dire opausadas frontalament a la nocion de ciutadanetat, d'egalitat, de fraternitat e de tota aurta libertat que la d'especular e la d'espleitar lo vesin per se n'enriquir fins a se'n far petar la cinta e lo ventre,
2) son lèis decididas per un ponherat d'arlèris (los "elegits") mai que d'èsser lèis decididas pels pòbles (la quita definicion de la democracia).
Pensar que serián lèis d'infamia per la soleta rason que foguèran europèas seriá coma d'anar pescar plan tròp luènh de la broa de l'aiga… Es a sa natura que coneissèm la infamia, non pas a l'endrèit d'ont la nos impausan. Sètz pro leugièr per anar pensar que França macrono-hollando-sarko-lepenista nos tombriá lèis mai umanas ? Vos vòli creire plan mai senut…
Corruptèla, corrumpadors, corrumpables se son totjorn plan endevenguts.
Santa Europa i escapa pas, enlà coma endacòm mai los patrifassièrs se targan dels vestits de la santetat, es atal que se coneisson.
Los querdadís a la pregariá resontisson ja enlàmont del costat de brussèlas.
E coma çà disiá Tacite : « Corrumptissima Republica plurimae leges » Mai una republica es corrumpuda mai legiferís.
En França n’avèm a ronfles de leis e Europa passa son temps a dictar de leis que pòdon mai a las leis de frança…..
Lei lei lei lei ♫♪ que ça disiá l’autre. Un polit escapolon !
Corruptèla, corrumpadors, corrumpables se son totjorn plan endevenguts.
Santa Europa i escapa pas, enlà coma endacòm mai los patrifassièrs se targan dels vestits de la santetat, es atal que se coneisson.
Los querdadís a la pregariá resontisson ja enlàmont del costat de brussèlas.
E coma çà disiá Tacite : « Corrumptissima Republica plurimae leges » Mai una republica es corrumpuda mai legiferís.
En França n’avèm a ronfles de leis e Europa passa son temps a dictar de leis que pòdon mai a las leis de frança…..
Lei lei lei lei ♫♪ que ça disiá l’autre. Un polit escapolon !
Sembla que çò qu'es sortit de la corrupcion a Brusselas es pas que lo cap de l'iceberg. Aquela l'an fòrabandida ipso facto per temptar d'atudar l'icendi que coa dins las institucions europèas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari