Actualitats
Lo ministre francés del Budget a demissionat a causa d’un compte bancari en Soïssa
De jutges enquestaràn sus l’afar Cahuzac
Lo ministèri public de París a demandat la dobertura d’una informacion judiciària contra X dins l’afar Cahuzac per blanquiment de fraudariá fiscala. Lo ministre del Budget de França, lo bordalés Jerôme Cahuzac –qu’es a l’encòp cònsol de Vilanòva d’Òlt (Naut Agenés)–, es suspècte d’aver detengut un compte bancari en Soïssa pendent vint ans.
Qualques oras puèi, l’Elisi comuniquèt que François Hollande aviá mes fin al pòst de ministre de Jérôme Cahuzac en seguissent la siá demanda de demission, e mai se Cahuzac aviá negat pendent tres meses aquelas informacions. L’actual viceministre dels Afars Europèus, Bernard Cazeneuve, prendrà sa plaça.
L’enquèsta preliminara de la polícia, dobèrta lo 8 de genièr passat, per determinar s’aquel compte existís o pas, ara deu anar mai luènh. “Las investigacions menadas dins l’encastre de l’enquesta preliminara se devon contunhar d’ara endavant dins un encastre procedural mai apropriat en foncion de la complexitat de las investigacions de diligenciar, especialament la mesa en òbra completa de l’intrada repressiva internacionala, en Soïssa, mas tanben en Singapor”, çò a estimat lo ministèri public.
Acusat d’aver son argent vint ans en Soïssa, e ara en Singapor
Cahuzac comencèt son mandat de ministre del Budget en se promovent coma lo defensor contra l’evasion fiscala que i a dins l’Estat francés, e dins aquel sens declarèt al jornal Libération que la siá volontat èra de “reforçar l’arsenal legislatiu contra la fraudariá e l’optimizacion fiscala”. Pasmens, a la fin de 2012, lo jornal numeric Mediapart l’acusèt d’aver amagat una part del sieu argent en Soïssa pendent vint ans. Lo ministre denoncièt Mediapart per difamacion.
Segon las informacions del jornal numeric, Cahuzac dobriguèt a la fin dels ans 1980 un compte a la banca UBS de Genèva, que jamai declarèt pas al fisc francés que dirigís ara. Aquel compte foguèt dobèrt fins en 2010, en coïncidissent amb lo sieu nomenament coma president de la comission de las finanças de l’Assemblada Nacionala. Ça que la, l’argent tornèt pas a l’Estat francés mas se n’anèt a Sinpapor, lo paradís fiscal ont lo secret bancari empara tanben aquel cirurgian plastic de profession, qu’es vengut ric amb una clinica parisenca especializada en implants capillars.
La venjança de Rémy Garnier
L’acusacion de Mediapart se basa sus un memorandum escrich per Rémy Garnier, un ancian inspector del Tresaur Public, qu’en 2008 daissèt escricha la situacion fiscala de Cahuzac. L’istòria entre Garnier e Cahuzac a un passat que fonda lo present. L’inspector metiá en examen en 1999 lo cas d’una entrepresa de Vilanòva d’Òlt qu’aviá fraudat tres milions de francs.
En aquela epòca, Cahuzac èra un jove deputat per aquela circonscripcion e empediguèt Garnier de conclure aquela enquèsta. La venjança foguèt una consulta (illegala) del dorsièr fiscal del quite Cahuzac.
De son costat, Cahuzac declarèt a Mediapart: “ai pas cap de compte en Soïssa e n’ai pas jamai agut”.
Un respondedor inoportun
Lo problèma per Cahuzac es que fa dotze ans, diguèt una autra frasa que demorèt enregistrada per un repondedor que s’activèt per error. L’aparelh enregistrèt tota la convèrsa. “Çò que m’embèstia es qu’ai encara actiu lo compte a UBS, mas i a pas res, vertat?”, çò se pòt escotar dins l’enregistrament, qu’apond: “Me fa cagar d’aver un compte dobèrt ailà; l’UBS es pas brica la banca mai discreta.”
Lo ministèri public a indicat que la votz d’aquel enregistrament es probable la de Jérôme Cahuzac, e mai s’el o nega. En tot cas es estada reconeguda per maites testimònis.
Una carrièra politica complicada de salvar
A l’ora d’ara, es complicat de salvar la carrièra politica de Cahuzac. La legislacion soïssa prevei que se pòsca levar lo secret bancari se l’interessat o demanda, e lo quite ministre faguèt la demanda a UBS de redigir un rapòrt qu’afirmèsse qu’el es pas estat jamai client de la banca. Mas, en mai de çò que diga UBS, degun creirà lo sieu testimòni per doas rasons. D’un costat, Cahuzac podiá aver un compte a Soïssa a travèrs d’un òme de palha. De l’autre costat, lo govèrn francés es en litigi amb la banca UBS, e poirián jogar, dins l’escambi, de favors per se salvar mutualament. Un govèrn qu’acusa Gérard Depardieu de “miserable” pòt pas aver un ministre del Budget coma Cahuzac.
Cahuzac es tanben acusat d’aver recebut d’argent de fonzes illegals de l’indústria farmaceutica quand exercissiá coma mètge.
Qualques oras puèi, l’Elisi comuniquèt que François Hollande aviá mes fin al pòst de ministre de Jérôme Cahuzac en seguissent la siá demanda de demission, e mai se Cahuzac aviá negat pendent tres meses aquelas informacions. L’actual viceministre dels Afars Europèus, Bernard Cazeneuve, prendrà sa plaça.
L’enquèsta preliminara de la polícia, dobèrta lo 8 de genièr passat, per determinar s’aquel compte existís o pas, ara deu anar mai luènh. “Las investigacions menadas dins l’encastre de l’enquesta preliminara se devon contunhar d’ara endavant dins un encastre procedural mai apropriat en foncion de la complexitat de las investigacions de diligenciar, especialament la mesa en òbra completa de l’intrada repressiva internacionala, en Soïssa, mas tanben en Singapor”, çò a estimat lo ministèri public.
Acusat d’aver son argent vint ans en Soïssa, e ara en Singapor
Cahuzac comencèt son mandat de ministre del Budget en se promovent coma lo defensor contra l’evasion fiscala que i a dins l’Estat francés, e dins aquel sens declarèt al jornal Libération que la siá volontat èra de “reforçar l’arsenal legislatiu contra la fraudariá e l’optimizacion fiscala”. Pasmens, a la fin de 2012, lo jornal numeric Mediapart l’acusèt d’aver amagat una part del sieu argent en Soïssa pendent vint ans. Lo ministre denoncièt Mediapart per difamacion.
Segon las informacions del jornal numeric, Cahuzac dobriguèt a la fin dels ans 1980 un compte a la banca UBS de Genèva, que jamai declarèt pas al fisc francés que dirigís ara. Aquel compte foguèt dobèrt fins en 2010, en coïncidissent amb lo sieu nomenament coma president de la comission de las finanças de l’Assemblada Nacionala. Ça que la, l’argent tornèt pas a l’Estat francés mas se n’anèt a Sinpapor, lo paradís fiscal ont lo secret bancari empara tanben aquel cirurgian plastic de profession, qu’es vengut ric amb una clinica parisenca especializada en implants capillars.
La venjança de Rémy Garnier
L’acusacion de Mediapart se basa sus un memorandum escrich per Rémy Garnier, un ancian inspector del Tresaur Public, qu’en 2008 daissèt escricha la situacion fiscala de Cahuzac. L’istòria entre Garnier e Cahuzac a un passat que fonda lo present. L’inspector metiá en examen en 1999 lo cas d’una entrepresa de Vilanòva d’Òlt qu’aviá fraudat tres milions de francs.
En aquela epòca, Cahuzac èra un jove deputat per aquela circonscripcion e empediguèt Garnier de conclure aquela enquèsta. La venjança foguèt una consulta (illegala) del dorsièr fiscal del quite Cahuzac.
De son costat, Cahuzac declarèt a Mediapart: “ai pas cap de compte en Soïssa e n’ai pas jamai agut”.
Un respondedor inoportun
Lo problèma per Cahuzac es que fa dotze ans, diguèt una autra frasa que demorèt enregistrada per un repondedor que s’activèt per error. L’aparelh enregistrèt tota la convèrsa. “Çò que m’embèstia es qu’ai encara actiu lo compte a UBS, mas i a pas res, vertat?”, çò se pòt escotar dins l’enregistrament, qu’apond: “Me fa cagar d’aver un compte dobèrt ailà; l’UBS es pas brica la banca mai discreta.”
Lo ministèri public a indicat que la votz d’aquel enregistrament es probable la de Jérôme Cahuzac, e mai s’el o nega. En tot cas es estada reconeguda per maites testimònis.
Una carrièra politica complicada de salvar
A l’ora d’ara, es complicat de salvar la carrièra politica de Cahuzac. La legislacion soïssa prevei que se pòsca levar lo secret bancari se l’interessat o demanda, e lo quite ministre faguèt la demanda a UBS de redigir un rapòrt qu’afirmèsse qu’el es pas estat jamai client de la banca. Mas, en mai de çò que diga UBS, degun creirà lo sieu testimòni per doas rasons. D’un costat, Cahuzac podiá aver un compte a Soïssa a travèrs d’un òme de palha. De l’autre costat, lo govèrn francés es en litigi amb la banca UBS, e poirián jogar, dins l’escambi, de favors per se salvar mutualament. Un govèrn qu’acusa Gérard Depardieu de “miserable” pòt pas aver un ministre del Budget coma Cahuzac.
Cahuzac es tanben acusat d’aver recebut d’argent de fonzes illegals de l’indústria farmaceutica quand exercissiá coma mètge.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es doberta la caça al Cahú. Al país disèm lacaça al tamarro.
#1 Perqué "franchimand" ?
#1 Òc, los elegits occitanistas son pas enquèra pro nombroses per èstre corromputs...
#1 I auré un Estat occitan, Cahuzac seré segurament politician occitan... Es un mestier per eths. Per lo moment, avem sustot personas de hidança coma Dàvid Grosclaude o Guilhèm Latrubesse, mes alargatz las escapas e los politicians uèi francés se desversaran dens la politica occitana.
Aquò rai, Cahuzac es d'esquèrra. Lo cal sostenir. Foguèsse UMP, seriá quicòm mai ... Mas aquí, es a l'encòp "occitan" e socialista, alavetz ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari