Lo fraire del jornalista esportiu Grant Wahl, mòrt en Qatar pendent la partida entre las seleccions de fotbòl d’Argentina e dels Païses Basses, a dich sus Instagram que crei qu’es estat assassinat. Dins un vidèo publicat sul ret social, Eric Wahl explica que son fraire aviá una bona santat, e crei qu’es pas normal que siá estat victima d’una mòrt sobda.
 
Wahl assegura que son fraire recebèt de menaças de mòrt après aver ensajat d’accedir a un estadi de la Copa del Mond amb una camiseta que portava de simbòls LGBTI. “Soi gai, o faguèt per ieu”, çò ditz. En seguida d’aquò, lo jornalista foguèt arrestat e interrogat per la polícia de l’emirat. “Demandi solament d’ajuda”, çò conclutz lo fraire.
 
Pendent son trabalh coma jornalista a la Copa del Mond, Grant Wahl –qu’en 2011 ensagèt d’èsser elegit president de la FIFA– se mostrèt fòrça critic envèrs l’organizacion de la competicion. De fach, sa darrièra publicacion s’entitolava “Simplament se'n trufan” (They just don’t care) e denonciava lo menfotisme del govèrn del Qatar a prepaus de la mòrt dels trabalhadors immigrants.
 
 
Mòrt dins l’estadi
 
Lo jornalista moriguèt divendres après tombar dins l’Estadi Internacional de Lusail. Segon de mèdias estatsunidencs, qualques jorns abans s’èra plangut d’una dolor al pitre e li avián diagnosticat una bronquiti. The Wall Street Journalrapòrta que la causa de la mòrt foguèt una crisi cardiaca, mas n’i a pas de confirmacion oficiala.

 

Eric Wahl, the brother of sportswriter Grant Wahl who died in Qatar while covering the World Cup, is asking for help.

Grant was detained in Qatar for wearing a rainbow shirt two weeks ago pic.twitter.com/lak0b1UZwa

— philip lewis (@Phil_Lewis_) December 10, 2022