capçalera campanha

Actualitats

InternacionalPoliticaSocietat

Lo fotbolaire iranian Amir Nasr-Azadani condemnat a la còrda per aver sostengut las protèstas feministas

Se ven d’executar publicament los joves Mohsen Shekari e Majid Reza Rahnavard per la meteissa rason

Tèxte legit

Lo jogador de fotbòl iranian Amir Nasr-Azadani l’an condemnat a la pena capitala per aver sostengut las protèstas en favor dels dreches de las femnas en Iran. O a confirmat la Federacion Internacionala d’Associacions dels Fotbolaires Professionals (FIFPRO), qu’a demandat a las autoritats iranianas de retirar la pena: “La FIFPRO es chocada e desgostada per las informacions segon las qualas lo fotbolaire professional Amir Nasr-Azadani afronta l’execucion en Iran per aver fach campanha pels dreches de las femnas e las libertats fondamentalas dins son país. Nos solidarizam amb Amir e demandam la supression immediata de son castig.”
 
L’esportiu de 26 ans es acusat d’un delicte sonat moharebeh, que se poiriá revirar coma “enemistat envèrs Dieu”, segon IranWire. Aquò se punís amb l’execucion per penjadissa, una pena que ne venon d’èsser victimas los joves Mohsen Shekari e Majid Reza Rahnavard, penjats en public a Mashad per las meteissas acusacions qu’Amir Nasr-Azadani, en seguida d’un jutjament sens garentidas. Aquel meteis mèdia fa saber que la familha de l’esportiu “es estada menaçada mai d’un còp per las fòrças de seguretat de la Republica Islamica” se parlavan de la detencion de Nasr-Azadani.
 
 
 
 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

carles països valencians
3.

quina barbaritat, quanta burrera, ¿qui podrà aturar tot això?
el món veu atònit, esbalaït, esgarrifat i impotent com les forces d'un estat teocràtic malvat mata als seus jóvens sense pietat. Que Allà, el misericordiós acabe amb eixos clergues que en el seu nom fan eixes bogeries.
què difícil per als iranians viure enmig de tanta foscor, injustícies i horrors ... oxalà prompter la llum dissipe les tenebres, mentrestant n' hi ha lluita i valentia de part de molta població que riscant la vida ix als carrers demanant justícia i que s'acabe la barbarie, què valents!!!!

  • 2
  • 0
Bernatmm Tarba
2.

Adishatz,
Que mos cau brembar qu'ei era França de Giscard d'Estaing que sauvèc e protegic ( deishant-li ua villa de banlèga ena region de Paris ) eth Immam Khomeini, predicador major d'aqueth integrisme religios assassin, quan era condemnat en eth estat Iranian.

  • 8
  • 0
Emanuèla Mons (Belgica)
1.

Quin coraje, aqueles jovents! Quina situacion orribla!

  • 16
  • 0

Escriu un comentari sus aqueste article