Actualitats
D’èuros andorrans tre 2014
Lo govèrn d’Andòrra a dobèrt un concors per decidir lo dessenh de la nòva moneda
Lo 1r de genièr de 2014, començaràn de circular los primièrs èuros andorrans, amb un dessenh pròpri. Aital o anoncièt lo ministre de las Finanças, Jordi Cinca. Aquò serà possible, e mai s’Andòrra fa pas partida de l’Union Europèa, gràcias a l’acòrdi monetari signat entre lo Principat d’Andòrra e l’UE en 2011 après sèt ans de negociacions. L’acòrdi permetrà d’emetre aperaquí 2,5 milions d’èuros en monedas, dont 20% seràn estampadas pels colleccionaires. Pasmens, Andòrra poirà pas estampar de bilhets d’èuros.
Dels dos milions d’èuros que se metrà en circulacion, 400 000 seràn de pèças de moneda de dos èuros; 580 000 seràn de pèças d’un èuro e 500 000 seràn de pèças de 50 centims. Per dètz, dos e un centim, s’emetrà un milion de pèças de cada soma.
Lo govèrn andorran a ja decidit que sus la pèça de dos èuros i aurà l’escut del país. Per decidir lo dessenh de las autras pèças, a dobèrt un concors pels majors de 18 ans residents en Andòrra. La condicion es que i aparescan de motius ligats a La Casa de la Vall (l’ostal del govèrn andorran), l’art romanic e la natura, la fauna e la flòra caracteristicas d’Andòrra. Sus totas i aurà l’inscripcion “Andorra” (en catalan) e l’an d’emission de la moneda, lo 2014.
Aquò significarà un pas de mai per l’integracion d’Andòrra dins l’Union Europèa, çò soslinhèt lo ministre Cinca.
Dels dos milions d’èuros que se metrà en circulacion, 400 000 seràn de pèças de moneda de dos èuros; 580 000 seràn de pèças d’un èuro e 500 000 seràn de pèças de 50 centims. Per dètz, dos e un centim, s’emetrà un milion de pèças de cada soma.
Lo govèrn andorran a ja decidit que sus la pèça de dos èuros i aurà l’escut del país. Per decidir lo dessenh de las autras pèças, a dobèrt un concors pels majors de 18 ans residents en Andòrra. La condicion es que i aparescan de motius ligats a La Casa de la Vall (l’ostal del govèrn andorran), l’art romanic e la natura, la fauna e la flòra caracteristicas d’Andòrra. Sus totas i aurà l’inscripcion “Andorra” (en catalan) e l’an d’emission de la moneda, lo 2014.
Aquò significarà un pas de mai per l’integracion d’Andòrra dins l’Union Europèa, çò soslinhèt lo ministre Cinca.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Perqué pas una seria d'èuros monegascos escricha en occitan"
LOL.
Gràcia al Principat d'Andòrra, i aurà una seria d'èuros per representar los catalans e Catalonha !
Òsca a aquel pichin estat de lenga catalana oficiala, per donar de dignitat al catalan.
Benlèu una idèa de prepausar al sol Principat occitan qu'avèm : lo Principat de Monego. Perqué pas una seria d'èuros monegascos escricha en occitan ?
Coma aquò, l'oèst d'Occitània poirà pagar ambé d'èuros andorrans e l'èst d'Occitània poirà pagar ambé d'èuros monegascos. En esperant que sián remplaçats un jorn per l'èuro occitan de Pesenàs e qu'aquel èuro siá generalisat de Mentan a Baiona !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari