Malgrat que la majoritat de las bacterias sián pas dangeirosas per nòstra espècia, gaireben 8 milions de personas morisson cada an sus la planeta en causa d’elas. E se totas son pas mortalas, pòdon provocar de malautiás plan grèvas. Uèi per uèi, ja causan mai de mòrts dins lo Mond que lo tabac. La chifra es la resulta del darrièr estudi de Global Burden of Antimicrobial Resistance.
En mai d’aquò, dins lo Mond i a agut mai de 13,7 milions de personas victimas de malautiás causadas per de bacterias. Entre aquelas personas, gaireben 8 milions son mòrtas pr’amor de 33 patogèns bacterians que resistisson a la medecina antimicrobiana. Dins aquel grop tanben i a de malautiás coma la sida. De remembrar que la majoritat d’aquelas mòrts provenon de l’estafilocòc daurat (S. aureus), una de las bacterias pus dangeirosas de tota la planeta e qu’a provocat lo decès de mai d’1,1 milion de personas.
Una lista longa
Se volèm far una lista de las bacterias pus perilhosas per nòstra espècia, cal començar amb S. aureus, principal patogèn que provòca d’infeccions de la pèl. Sa transmission es tactila. Puèi ven lo colibacil (E. coli) que provòca de grandas dolors dins l’estomac e de grèvas diarrèas. L’infeccion pòt venir per l’aiga o la malnutricion.
Lo pneumocòc (Streptococcus pneumoniae) pòt menar a una pneumonia grèva e diferentas infeccions de la sang. D’autre caire, tanben i a Klebsiella pneumoniae, que provòca de grèvas malautiás de la sang e tanben de meningitis. La cinquena bacteria pus dangeirosa per l’òme, segon una lista recenta, seriá Pseudomonasaeruginosa, que demòra en d’aigas sosterranhas e arriba totjorn per l’aiga.
Sonque aquelas cinc bacterias son estadas las responsablas del decès del 54,9 % de totas las victimas mortalas d’infeccions bacterianas. La mortalitat tanben es diferenta segon la region. Aital, la region de l’Africa negra a una taxa de 230 mòrts per 100 000 abitants pr’amor de patogèns bacterians. Segon plusors cercaires, las bacterias començan de venir resistentas a la medecina actuala e ja son conegudas coma superbacterias. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Avètz lo drech de vos assabentar … aquò’s encara çò melhor per pas escriure tròp de bestiesas : https://www.youtube.com/playlist?list=PL525ZU55fXExIobSPKx9O61k_JG83fbc9
#1
Avetz en partida razon, tot aquò nais dins una estrategia que se sona lo contraròtle social apondrai al gaubi Chinés, çò qu’es una realitat.
Cossirós podèm èsser !
Tot es en camin pauc a cha pauc, riban ribanha, tot s’alestís dins las rèires foganhas plan a l’amagat jos un esgart d’enantidas socialas.
Lo que contraròtle la paur del mond ven lo mestra de lors armas !
Machiavel.
Mon diu, las bacterias, lo virus, los micròbes van nos tuar!
Pertant l'umanitat meurt pas d'aquelas bestias malgrat la pesta, lo còlera e autras.
Tota aquela propaganda es facha per nos desvirar de la vertat, installar una pandemia, de las mesuras d'urgenças autoritarias coma lo confinament, lo crube-fuec, nos stressar e oblidar nòstre natura umana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari