Tèxte legit
Per aquesta primièra jornada de la fasa venir, dissabte, las 3 formacions audencas e del cap de classament se desplaçavan.
Lo cap de fila, Carcassona, jogava a Avinhon. Los locals dintravan plan dins la partida. Lo capitani Arnaud marcava e transformava l’ensag. Replica dels Canaris per Drodrolagi, ensag transformat per Herrero. Al cap d’un quart d’ora, lo pilar local Mendy marca. Un carcassonés pren un jaune, mas lo centre Vincenç Albèrt punta l’ensag. Una penalitat marcada sus la còrna mena a una egalitat a la pausa: 12-12.
A la represa, los Canaris marcan dos ensages transformats (pels tres-quarts Boregba e Sobeirans) per menar 24-12. A dètz minutas del tèrme, los Bisons se rapròchan a 18-24; mas res mai es pas marcat e Carcassona ganha la partida.
A Sant Estève, los Molinièrs de Lesinhan avián rendètz-vos amb los Dragonets. La jove formacion catalana tenguèt còp pendent una orada, mas las darrièras vint minutas foguèron plan dificilas per las colors sang e aur. Larga victòria audenca: 48-16. Lesinhan jogava amb dos nòuvenguts dels Antipòdes: lo talonaire internacional papó James Segeyaro e lo pilar australian Kurt Dillon.
Limós anava desfisar una esquipa de Pià que desirava de demorar mestressa sus sa pelena. Los vesitaires marcan aprèp doas minutas de jòc e tornarmai a la desena. Pià dintra enfin dins la partida e lo capitani Perez marca un ensag, mas Limós ajusta una tresena realizacion just abans la pausa per menar 16-6. Lo segond temps serà mai equilibrat, mas la defensa limosenca es solida. Templeman ajustarà doas penalitats per una victòria audenca 20-6.
Dimenge, las autras doas partidas se jogavan en Nauta Garona. Als Minims, lo TO recebiá los Leupards d’Aquitània que, vertadièrament, los pauròts, mancan d’urpas e de vam: victòria tolosana 50-22.
Los Tigres d’Albi avián rendètz-vos amb los Orses de St Gaudenç e confirman que son los melhors darrièr lo trio audenc: victòria 52-12 fàcia a de pirenencs que se trapèron a 12 al cap d’un quart d’ora (carton roge).
Pas de partida per Nadal e Cap d’An: la onzena jornada de campionat se debanarà los 7 e 8 de genièr de 2023.
Los Pichons Pocets de la Copa
Tres esquipas de Nacionala participaràn al 5n torn de la Copa Lòrd Derby que veirà a dintrada en competicion de las formacions d’Elèit 2 (21 e 22 de genièr). Los clubs d’Elèit 1 esperaràn los 4 e 5 de febrièr per prene part als ueitens de finala. Se son qualificats: Ferrals (venceire de St Martin de Crau: 38-30) e Palau (que va ganhar a Pàmias: 18-16). L’esquipa de Federala dels Vals (vals de Danha e d’Orbiu) manca de gaire la qualificacion fàcia a St Laurenç de Salanca: 31-32.
E tanben…
Dins lo campionat femenin, las campionas de l’Escura van batre las Divessas Catalanas: 18-6.
Alan Roch
Lo cap de fila, Carcassona, jogava a Avinhon. Los locals dintravan plan dins la partida. Lo capitani Arnaud marcava e transformava l’ensag. Replica dels Canaris per Drodrolagi, ensag transformat per Herrero. Al cap d’un quart d’ora, lo pilar local Mendy marca. Un carcassonés pren un jaune, mas lo centre Vincenç Albèrt punta l’ensag. Una penalitat marcada sus la còrna mena a una egalitat a la pausa: 12-12.
A la represa, los Canaris marcan dos ensages transformats (pels tres-quarts Boregba e Sobeirans) per menar 24-12. A dètz minutas del tèrme, los Bisons se rapròchan a 18-24; mas res mai es pas marcat e Carcassona ganha la partida.
A Sant Estève, los Molinièrs de Lesinhan avián rendètz-vos amb los Dragonets. La jove formacion catalana tenguèt còp pendent una orada, mas las darrièras vint minutas foguèron plan dificilas per las colors sang e aur. Larga victòria audenca: 48-16. Lesinhan jogava amb dos nòuvenguts dels Antipòdes: lo talonaire internacional papó James Segeyaro e lo pilar australian Kurt Dillon.
Limós anava desfisar una esquipa de Pià que desirava de demorar mestressa sus sa pelena. Los vesitaires marcan aprèp doas minutas de jòc e tornarmai a la desena. Pià dintra enfin dins la partida e lo capitani Perez marca un ensag, mas Limós ajusta una tresena realizacion just abans la pausa per menar 16-6. Lo segond temps serà mai equilibrat, mas la defensa limosenca es solida. Templeman ajustarà doas penalitats per una victòria audenca 20-6.
Dimenge, las autras doas partidas se jogavan en Nauta Garona. Als Minims, lo TO recebiá los Leupards d’Aquitània que, vertadièrament, los pauròts, mancan d’urpas e de vam: victòria tolosana 50-22.
Los Tigres d’Albi avián rendètz-vos amb los Orses de St Gaudenç e confirman que son los melhors darrièr lo trio audenc: victòria 52-12 fàcia a de pirenencs que se trapèron a 12 al cap d’un quart d’ora (carton roge).
Pas de partida per Nadal e Cap d’An: la onzena jornada de campionat se debanarà los 7 e 8 de genièr de 2023.
Los Pichons Pocets de la Copa
Tres esquipas de Nacionala participaràn al 5n torn de la Copa Lòrd Derby que veirà a dintrada en competicion de las formacions d’Elèit 2 (21 e 22 de genièr). Los clubs d’Elèit 1 esperaràn los 4 e 5 de febrièr per prene part als ueitens de finala. Se son qualificats: Ferrals (venceire de St Martin de Crau: 38-30) e Palau (que va ganhar a Pàmias: 18-16). L’esquipa de Federala dels Vals (vals de Danha e d’Orbiu) manca de gaire la qualificacion fàcia a St Laurenç de Salanca: 31-32.
E tanben…
Dins lo campionat femenin, las campionas de l’Escura van batre las Divessas Catalanas: 18-6.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari