La jornalista Lissa Escala e lo lingüista Xavier Lamuela son estats guierdonats del 7n prèmi Robèrt Lafont que l’autreja la Generalitat de Catalonha. Lo prèmi reconeis de personas que se son distinguidas per la defensa, la projeccion e la promocion de la lenga occitana. La remesa del guierdon se faguèt diluns passat al palais Marc de Barcelona, dins una ceremònia conjoncha amb los prèmis Pompeu Fabra. L’eveniment lo presidiguèt la ministra regionala de la cultura de la Generalitat de Catalonha, Natàlia Garriga, e la sindica d’Aran, Maria Vergés.
 
Durant la gala, Garriga metèt en valor aqueles prèmis e faguèt una crida a contunhar de trabalhar a la projeccion del catalan e de l’occitan dins la societat.
 
A l’eveniment intervenguèron los musicians Marina Cuito e Pau Jover qu’interpretèron de cançons en catalan e en occitan.
 
 
Pionièra de la ràdio en aranés 
 
La jornalista Lissa Escala es pionièra de la ràdio en aranés, amb lo primièr programa en aranés en Ràdio Aran, prètzfach qu’a desvolopat durant mai de 30 ans amb divèrses programas coma Meddia Aranés, sus Catalonha Informacion, en tot contribuir a un modèl d’usatge e de prestigi social de l’aranés. Tanben se’n destaca l’engatjament civic e la promocion de l’aranés amb l’impulsion de divèrsas iniciativas socialas coma la corsa Aran per sa Lengua, qu’a luòc lo darrièr dimenge de julhet de cada an, per la defensa de l’usatge social de la lenga occitana en Aran.
 
 
Normalizacion sociala de l’occitan
 
Xavier Lamuela es professor emerit en divèrsas universitats catalanas e occitanas, amb de largas devocion e vision de l’ensems de la lenga occitana e particularament de sa varianta aranesa. Clar defensor de l’occitanitat de l’aranés e de son especificitat, participèt a la comission per l’elaboracion de las normas ortograficas de l’aranés, e tanben a la comission internacionala per la normalizacion lingüistica del vivaroalpenc. Foguèt president del Conselh de la Lenga Occitana.
 
 
Distinguir la defensa, la projeccion e la promocion de l’occitan
 
Lo prèmi Robèrt Lafont, instituit per la Generalitat de Catalonha en 2010, a per tòca de reconéisser de personas o d’entitats que se sián distinguidas per la defensa, la projeccion e la promocion de la lenga occitana. Ongan es la cinquena edicion del prèmi. Los laureats de las autras annadas foguèron Pèire Bèc, Felip Gardy, Jacme Taupiac, la Fondacion Musèu Etnologic de la Val d’Aran, Georg Kremnitz e Frederic Vergés.

 

Era conselhèra @natalia_garriga met en valor es Prèmis Pompeu Fabra e Robèrt Lafont e hè ua crida a seguir eth trabalh ena projeccion sociau deth catalan e der aranés

https://t.co/HYEtrAgHIupic.twitter.com/F1mCEfWiCi

— Occitan aranés (@occitan_aranes) December 20, 2022

 

Avui hem lliurat els Premis Pompeu Fabra i Robèrt Lafont, que reconeixen la tasca de persones i entitats compromeses amb la projecció social del català i l’aranès. Enhorabona a tots els guardonats i guardonades!

Moltes gràcies, síndica @mariaverges78, per acompanyar-nos! pic.twitter.com/FrvJxEPqow

— Natàlia Garriga (@natalia_garriga) December 19, 2022

 

Aguest ser, era conselhèra de @cultura_cat, @natalia_garriga, e era sindica d’Aran @mariaverges78 an autrejat eth Prèmi Robèrt Lafont 2022

Es guierdonadi son era jornalista Lissa Escala e eth lingüista Xavier Lamuela pic.twitter.com/IVXulyEF4j

— Occitan aranés (@occitan_aranes) December 19, 2022

 

Xavier Lamuela ei professor emerit en diuèrses universitats catalanes e occitanes, a trabalhat entà establir tar #occitan#aranés un modèl de normalizacion sociau e d’usatge ath delà dera estricta recèrca acadèmica#VIIPrèmiRobèrtLafontpic.twitter.com/oZKrDkvuCJ

— Occitan aranés (@occitan_aranes) December 20, 2022

 

Lissa Escala ei pionèra dera ràdio en aranés, a contribuït a un modèl d’usatge e de prestigi sociau dera lengua. En destaque eth sòn compromís civic ena normalizacion, promocion e usatge sociau#VIIPrèmiRobèrtLafontpic.twitter.com/2mytEqPE5w

— Occitan aranés (@occitan_aranes) December 20, 2022