Aqueste dimars, a l’atge de 86 ans, se moriguèt lo Joan Vialada que foguèt, amb lo Comitat d’Accion Viticòla, l’un dels caps de fila de las lutas vinhaironas de las annadas 1970.
Menèt un combat sens relambi per poder viure dignament del trabalh de la vinha e per poder viure al país. S’acontentèt pas de menar las accions del sol punt de vista defensiu, mas obrèt a la cèrca de dralhas nòvas coma regissor del Domèni de Pech-Latt (Ribauta) o coma president de la Cava Cooperativa de Ribauta: encantinatge, agricultura biologica, preséncia suls Salons,…
Dins un comunicat, l’Institut d’Estudis Occitans d’Aude ajusta: “De mai, lo Joan èra a totes los endreits ont se parlava del sòrt e del devenir de nòstra lenga e de nòstra cultura e mancava pas de faire ausir sa votz clara e fòrta coma sos dires. Daissèt jamai d’èsser present ont los artistas d’Òc, coneguts o novèls, montan suls emponts dels grands luòcs (manifestacions Anem Òc!, Estivada de Rodés...) coma dins las salas o sus las plaças dels vilatges de Corbièras, Menerbés o Cabardés…”.
Un òme d’Òc es partit al moment ont los ametlièrs florisson a las rasas de las vinhas. Que contunhe de restontir a nòstras aurelhas sa votz fòrta e clara per dire que cal pas plegar l’esquina e demorar caparruts e fèrmes dins nòstras accions.
Los obsèquis se debanaràn aqueste dijòus 21 de març al crematòri de Trèbes.
Alan Roch
Menèt un combat sens relambi per poder viure dignament del trabalh de la vinha e per poder viure al país. S’acontentèt pas de menar las accions del sol punt de vista defensiu, mas obrèt a la cèrca de dralhas nòvas coma regissor del Domèni de Pech-Latt (Ribauta) o coma president de la Cava Cooperativa de Ribauta: encantinatge, agricultura biologica, preséncia suls Salons,…
Dins un comunicat, l’Institut d’Estudis Occitans d’Aude ajusta: “De mai, lo Joan èra a totes los endreits ont se parlava del sòrt e del devenir de nòstra lenga e de nòstra cultura e mancava pas de faire ausir sa votz clara e fòrta coma sos dires. Daissèt jamai d’èsser present ont los artistas d’Òc, coneguts o novèls, montan suls emponts dels grands luòcs (manifestacions Anem Òc!, Estivada de Rodés...) coma dins las salas o sus las plaças dels vilatges de Corbièras, Menerbés o Cabardés…”.
Un òme d’Òc es partit al moment ont los ametlièrs florisson a las rasas de las vinhas. Que contunhe de restontir a nòstras aurelhas sa votz fòrta e clara per dire que cal pas plegar l’esquina e demorar caparruts e fèrmes dins nòstras accions.
Los obsèquis se debanaràn aqueste dijòus 21 de març al crematòri de Trèbes.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'entèrrament, coma un darrièr acte militant.
La bandièra d'Òc sus la caissa, los cants de Claudi Martí, unes mòts fòrts de Romièg Pech en lenga nòstra, lo « salut au 17ème »,...
Adieu, Joan...
L'ai agut rescontrat. Era una personalitat. Pas solament lo portaire d'una memoria, la de las lochas vinhaironas dels ans 70, mas quauqu'un qu'efectivament tenia d'a ment tot ço que tochava a la question e la lenga e de la cultura d'oc. Saluo sa memoria.
Capèl bais a aqueste eròi de nòstra tèrra.
http://www.dailymotion.com/video/x48kak_jean-vialade-a-l-estivada-de-rodes_news#.UUrXKjf-WKI
Una capelada al sénher Vialada que se'n va amb la prima.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari