La confederacion italiana dels agricultors dirèctes Coldiretti a organizat una exposicion a Palèrme (Sicília) per denonciar “l’escàndol del marqueting de la màfia”. S’i mòstra de produches coma lo whisky escocés sonat “Cosa Nostra” mes dins una botelha en forma de mitralhadoira, lo vin portugués nomenat “Talha Mafia” que son logotipe es una taca de sang, lo cafè bulgar “Mafiozzo”; las espècias alemandas “Palermo Mafia shooting”, de salsas coma la bèlga “Saucemaffia”; la britanica “Chilli Mafia” o la finesa “PorkMafia Texas Gold”, lo libre de recèptas italianas “The mafia cookbook”...
 
Los agricultors italians planhon que los produches d’aquela mena ajan sovent pas res d’italian, per çò qu’a mai de banalizar lo crime e la dolor dels italians, grèujan l’exportacion de produches italians de milièrs d’entrepreneires onèstes.
 
"A mai dels atacs contra l'imatge, i a l'esplecha economica del Made in Italy, resultat de la contrafaiçon dels produches alimentaris italians qu'a superat los 120 miliards d'euros, çò es gaireben lo doble de las exportacions. Aquò còsta 300 000 emplecs a Itàlia”, çò denóncia Ettore Prandini, president estatal de Coldiretti – “l'esplecha de noms que remembran la màfia es un afar que fa mal a l'imatge d'Itàlia, banaliza lo crime organizat, quasi al ponch de lo normalizar, e ofensa tot un país qu'a sofèrt la dolor e lo dòl”.
 
En mai d’aquò, a l’inauguracion de la mòstra, lo 2 de decembre passat, se senhalèt los gaireben 300 restaurants del Mond entièr que fan referéncia a la màfia en la banalizant.

 

Dal whisky “Cosa Nostra” con tanto di bottiglia a forma di mitra al caffè Magiozzo: al #villaggiocoldiretti#stocoicontadini a Palermo in mostra lo scandalo del mafia marketing, con i più vergognosi prodotti agroalimentari venduti nel mondo con nomi legati alla criminalità pic.twitter.com/cAnX9RpI6K

— Coldiretti (@coldiretti) December 2, 2022

 

I @ColdirettiG in prima fila al #villaggiocoldiretti a #Palermo per denunciare il fenomeno del mafia marketing a tavola, che getta discredito sull’immagine del Paese e minaccia il loro futuro #stocoicontadini#villaggicoldirettipalermopic.twitter.com/tOw6o9nUt4

— Coldiretti (@coldiretti) December 2, 2022