Actualitats
Cauma dels mètges de familha
Demest lors revendicacions, exigisson una retribucion per consulta de 50 èuros, çò es lo doble dels 25 actuals
Tèxte legit
Los mètges de familha de l’estat francés, e doncas de la màger part d’Occitània, comencèron dimars una cauma d’una setmana. Demest lors revendicacions, exigisson una retribucion per consulta de 50 èuros, çò es lo doble dels 25 actuals. Lo collectiu Mètges per Deman assegura qu’eles son “indispensables” pr’amor qu’evitan de nombrosas vesitas de las urgéncias.
Ça que la, los caumaires an pas lo sosten dels principals sindicats e lo govèrn francés considèra que “vertadièrament ara es pas lo moment” pr’amor de la tripla epidemia de covid-19, gripa e bronquioliti qu’a saturat las urgéncias dels espitals.
“Sèm en una situacion terribla. Es pas que siam saturats, sèm subresaturats”, çò a dich lo president de l’associacion dels mètges urgentistas de l’estat francés, Patrick Pelloux. Lo ministre de francés de la santat, François Braun,crida tanben a la responsabilitat. “Sens metre en question lo drech de cauma, fau una crida a la responsabilitat perque lo periòde entre Nadal e Cap d’An es totjorn complicat”, çò a dich.
Ça que la, los caumaires an pas lo sosten dels principals sindicats e lo govèrn francés considèra que “vertadièrament ara es pas lo moment” pr’amor de la tripla epidemia de covid-19, gripa e bronquioliti qu’a saturat las urgéncias dels espitals.
“Sèm en una situacion terribla. Es pas que siam saturats, sèm subresaturats”, çò a dich lo president de l’associacion dels mètges urgentistas de l’estat francés, Patrick Pelloux. Lo ministre de francés de la santat, François Braun,crida tanben a la responsabilitat. “Sens metre en question lo drech de cauma, fau una crida a la responsabilitat perque lo periòde entre Nadal e Cap d’An es totjorn complicat”, çò a dich.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo ministre de francés de la santat, François Braun,crida a la responsabilitat. “Sense metre en question lo dreit de cauma", aqueste mariòl que nos pren de de piòts fa "una crida a la responsabilitat" perque lo periòde entre Nadal e Cap d’An es totjorn complicat, çò a dit.
E ben çò li respondi en li tornant sa crida a la responsabilitat : non escotar los electors, non escotar los ciutadans, non escotar los paures, non escotar los sense emplèc, non escotar los retirats, non escotar los malauts, non escotar los professors, non escotar tanpauc los scientifics que senhalan lo perilh grand que correm a persegre sense fin ni pausa lo neoliberalisme fins a la catastròfa ecologica e climatica generalizada, non pòt menar qu'a una causa : "recoltaràs çò que semenas". Un governament responsable mas democratic deu servir lo pòble, emai los pòbles, que non pas son que de banquièrs, qualques miliardaris desobrats ni tot un fotral d'accionaris qu'en fait d'agir (parlatz-me d'accions !!!) s'enriquisson sense far res sus la susor e los sacrificis dels autres, en bons parasits socials e autras metastasis economicas…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari