capçalera campanha

Actualitats

InternacionalPoliticaSocietat

Lion: un iranian de 38 ans se suicida per denonciar la repression de son país

“Ai decidit de me suicidar dins Ròse, es una escomesa per mostrar que lo pòble iranian n’avèm pro d’aquela situacion”, çò daissèt dins un vidèo

Tèxte legit

Diluns passat, 26 de decembre, a Lion, un òme de 38 ans apelat Mohammad Moradi se suicidèt per denonciar la repression de son país, Iran, çò rapòrta Le Progrès. Dins un vidèo de doas minutas en persan e en francés publicat sus qualques rets socials, Moradi denonciava las violéncias comesas pel “govèrn islamic” de son país: “la polícia ataca las gents, s’es perdut fòrça gojats e gojatas, cal far quicòm”, çò declarat amb un ton pausat. “Ai decidit de me suicidar dins Ròse, es una escomesa per mostrar que lo pòble iranian n’avèm pro d’aquela situacion”, çò anóncia. “Quand agacharetz aqueste vidèo, serai mòrt” çò apond en tot demandar, enfin, lo sosten al pòble iranian e a son combat contra “de policièrs e un govèrn fòrça violents”.
 
Segon los primièrs elements de l'enquista, Moradi auriá sautat dins Ròse al nivèl de l'Avenguda Leclerc, diluns devèrs 18h30 e de passants l’aurián vist e ensajat de dissuadir. Trobèron son còrs mièja ora pus tard sus la riba ont lo temptèron de reanimar mas solament poguèron constatar son decès sus plaça.
 
L'endeman a 17h, se tenguèt un acamp sul pont de Gallieni ont se depausèt de candelas e de flors.
 
Mohammad Moradi demorava a Lion amb sa femna dempuèi 2019.

 
 
 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article