Actualitats
Renfe a obtengut los certificats per operar dins l’estat francés
Prepausarà desenant los trajèctes entre Barcelona e Lion e Marselha qu’èra desèrts dempuèi la rompedura amb l’SNCF
Tèxte legit
La societat espanhòla de camins de fèrre Renfe a obtengut lo certificat de l’Agéncia Ferroviària Europèa per operar tota sola dins l’estat francés, e prepausarà desenant los trajèctes entre Barcelona e Lion e Marselha del temps qu’aspira tanben a jónher Madrid, Barcelona e París. Fins al començament de decembre, Renfe ofrissiá aqueles trajèctes en associacion amb l’SNCF, mas la societat francesa rompèt unilateralament la cooperacion a causa del deficit que i aviá dins las linhas conjonchas e a causa del nòu contèxt de concurréncia ferroviària.
E mai aja lo certificat de seguretat, Renfe ofrirà pas aqueles trajèctes immediatament. Abans deu formar lo personal operatiu pendent quatre o cinc meses.
Dempuèi l’11 de decembre, lo trajècte entre Barcelona e París lo fa solament l’SNCF del temps que los servicis fins a Lion e fins a Marselha son demorats desèrts pr’amor que Renfe aviá pas encara l’autorizacion.
Ara, a partir de l’estiu que ven, Renfe e SNCF seràn concurrentas dins l’estat francés. Dins l’estat espanhòl o son dempuèi lo mes de mai de 2021 ont l’SNCF opèra jos la marca Ouigo e liga Madrid amb Barcelona e Valéncia.
Renfe e SNCF agissián amb una societat conjoncha dicha Elipsos dempuèi 2013. En febrièr passat, l’SNCF anoncièt que quitariá Elipsos, formada al 50% pels dos operators a causa de la pèrda d’argent causada, mai que mai, per las restriccions de mobilitat internacionala degudas a la pandemia de covid-19.
E mai aja lo certificat de seguretat, Renfe ofrirà pas aqueles trajèctes immediatament. Abans deu formar lo personal operatiu pendent quatre o cinc meses.
Dempuèi l’11 de decembre, lo trajècte entre Barcelona e París lo fa solament l’SNCF del temps que los servicis fins a Lion e fins a Marselha son demorats desèrts pr’amor que Renfe aviá pas encara l’autorizacion.
Ara, a partir de l’estiu que ven, Renfe e SNCF seràn concurrentas dins l’estat francés. Dins l’estat espanhòl o son dempuèi lo mes de mai de 2021 ont l’SNCF opèra jos la marca Ouigo e liga Madrid amb Barcelona e Valéncia.
Renfe e SNCF agissián amb una societat conjoncha dicha Elipsos dempuèi 2013. En febrièr passat, l’SNCF anoncièt que quitariá Elipsos, formada al 50% pels dos operators a causa de la pèrda d’argent causada, mai que mai, per las restriccions de mobilitat internacionala degudas a la pandemia de covid-19.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a 40 ans, preniai lo tren dempèi lo nòrd d'Òlt per far mos estudis a Tolosa, puèi mon servici militar a Castelsarrazin. Pendent totas aquelas annadas, vejèri pas jamai un tren en retard, nimai annulat.
Ara, aquesta linha Paris-Tolosa sembla abandonada amb plasses problèmas quasiment a cada voiatge. Lo monde d'en pr'aquí que trabalhon a Paris, quand prenon lo tren per venir o tornar, se tròba esistematicament en retard o lo tren es remplaçat per un bus, quand es pas anulat... Darrièr voiatge racontat per un membre de ma familha : 5 oras de retard !
La sncf coma servivi public, quò marchava per cada linha, pichona o bèla. Ara, aquesta privatisacion favorisa las grandas linhas rentablas, e las autras contunharan de sombrar. Lion-Paris serà aisit e pas car, amb la concurencia. Per çò que n'es de Brivas-Rodez per exemple, quò's ja catastrofic e vesi pas cossí se poiriá melhorar dins aquelas condicions.
La pòsta atanca la venda de timbres roges, aquò rai saràn totjorn remplaçats per una e-letra roja, una mena de corrièr desmaterializat.
Se caldrà connectar sul sit de la pòsta escriuretz vòstra letra que sarà informaticament mandada al burèu còsta lo que deu recebra la letra. Aquíu al burèu de pòsta, s’estamparà la letra puèi sarà distribuida.
Tres perperics puntejon :
1- La confidencialitat, es un emplegat de la pòsta qu’estampa vòstra letra e la pòt legir de segur.
2- Pensi aici als frag-falhit de l’informatic, als nòstris paures vièlhs qu’an pas d’apleches informatics a l’ostal o que non s’en sabon servir.
3- Se poirà pas mandar de per tsemple un chèc, dins una e-letra roja , mas se poirà totjorn mandar documents qu’auretz informatizats (scaneriseé).
I va aver de trabalh dins los EHPAD per ensenhar totis aqueles pauris vièlhs. Tron de jòu que ça disiá lo vièlh apevat sus son pal torçut.
Ges mon diu qu’un monde ça disiá la beleta ! (de s’enganar pas la beleta es pas una mostèla)
Se cambia pas una còla que ganha ! Es un dels rituals annadièr : la grèva de l’ SNCF dins la temporada de nadal.
Dempuèl l’an 2000 aquela remirable entrepreza nos porgís sa 15na. Grèva.
Per ongan enquèra la tradicion es respectada, apèi los menaires es aqui lo torn dels contrarotlaires de remostegar e de voler lor part dels benificis grandasses suspauzats fachs per l’sncf.
De se rementar que la predita entrepreza a tocat 18 Milhards d’euros de subvencions dels contribuidors francés.
Parlarèm brica dels salaris, del temps de trabalh, de la retirada e de totas las ondansas.
Per mai d’entresenhas de legir lo rapòrt de la cort dels comptes de 2017 sus l’sncf.
#2
Non pas es la liberalizacion del camin de ferre volguda per Europa que s’alestís dempuèi 1991.
En 2001 es la liberalizacion del carreg de las merças
En 2007 comença la liberalizacion per los viatjaires
Tre 2019 las regions pòdon far "querdas de porgidas" ( des appels d’offres) per los TER, entrecitats (Intercités)
2020 acabament del monòpòl Sncf per la linhas d’aviadessa granda.
Ara sèm !
Un lobàs caça l'autre. A la debuta, per atraire de mond, se fai mai cortés qu'aquel d'abans. Puèi torna lèu lo natural, viatjaires-fèdas !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari