capçalera biera tobiers

Actualitats

EspòrtInternacionalSocietat

Es mòrt Pelé, la legenda mondiala del fotbòl

Icòna brasilièra d’aquel espòrt dins los ans 1960, contribuiguèt fòrça a la popularitat planetària del fotbòl

Tèxte legit

Ven de nos quitar lo celèbre fotbolaire brasilièr Edson Arantes do Nascimento, famós amb l’escaisnom de "Pelé", dins sos 88 ans. Es estat victima de las consequéncias d'un càncer del colon, detectat en setembre. Lo destin a volgut que "lo Rei", coma tanben èra chafrat, se n'ane après la fin del mondial de fotbòl, competicion qu'el solet ganhèt tres còps amb los sieus, en 1958, 1962 e 1970.
 
Icòna d’aquel espòrt dins los ans 1960, capitèt a contribuir fòrça a la popularitat planetària del fotbòl sens quitar son club de Santos: i marquèt 618 gòls en 636 partidas oficialas, ganhèt sièis títols de campion de Brasil, dètz títols Paulista, doas Copas Libertadores, doas Intercontinentalas e una supercopa intercontinentala.
 
Tanben refusèt de longa de quitar son país malgrat las proposicions de clubs europèus, mas a mand de se retirar, acceptèt de jogar en 1975 dins un club de Nòva York, lo Cosmos, dins la tòca de desvolopar als Estats Units lo soccer, coma li dison dins aquel país nòrd-american. Durant tres temporadas, i coneguèt tornarmai la reüssida, en ganhant dos títols de campion, abans de prene sa retirada definitiva.
 
Quasi 50 ans apuèi, considerat coma lo melhor jogador de totes los tempses, èra encara una legenda mondiala.

 


 


abonar los amics de Jornalet

 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ugenon
5.

#4 Aaaa, son vertadeirament afrós quelos francés !!!

  • 0
  • 8
Pitaluga
4.

En occitan, son escaisnom se prononcia corrèctament : Pelé.
En francés s'escagassa : [peulé].

  • 4
  • 0
Louis
3.

E quantas calandretas ubèrtas per aqueth òmi?? Nada! Vergonha!

  • 0
  • 8
Ugenon
2.

Èra d'aquelos pus grands fotbolaires, pasmens lo rei vertadèir èra lo Maradòna !

  • 0
  • 2
Mèfi! 31
1.

Valga per le fotbòl, mas pel demai ?

  • 1
  • 2

Escriu un comentari sus aqueste article