Actualitats
Las nòvas mai legidas e partejadas de Jornalet
Lo refús de l’inscripcion al registre d’estat civil del petit Antòn e l’oficialitat de l’occitan dins l’Euroregion son las nòvas pus legidas. La cançon d’Alidé Sans contra los Jòcs Olimpics dins los Pirenèus es la mai partejada de l’an
Tèxte legit
Lo refús de l’inscripcion d’Antòn Gavalda
Lo refús del registre d’estat civil d’i inscriure l’enfanton nimesenc Antòn es la nòva mai legida de Jornalet d’aqueste an 2022. Se publiquèt lo 4 de març passat e explicava que las autoritats francesas avián refusat d’acceptar lo rèirenom d’Antòn Gavalda, nascut en fin d’abril a Nimes, jos l’explica oficiala que la ò fa pas partida del “francés tradicional”.
La podètz tornar legir a: www.jornalet.com/14714
Cançon contra los Jòcs Olimpics d’Ivèrn dins los Pirenèus
La nòva mai partejada suls rets socials es la que parla de la cançon que la compausèt Alidé Sans contra l’organizacion dels Jòcs Olimpics d’ivèrn en l’an 2030 dins los Pirenèus catalans, araneses e aragoneses. S’agís d’una cançon en occitan e catalan que son videoclip se presentèt lo 3 de mai passat. La cançon es interpretada en las doas lengas per una còla d’artistas que vòlon participar a la lucha contra la candidatura a aqueles jòcs esportius internacionals. Es una cançon plan positiva e optimista que revendica un país encara viu.
La podètz tornar legir a: www.jornalet.com/14935
L’occitan declarat lenga oficiala de l’Euroregion Pirenèus-Mediterranèa
La nòva mai legida e partejada pels legeires durant aquestes darrièrs 10 ans es l’oficialitat de la lenga nòstra dins l’Euroregion Pirenèus-Mediterranèa. O comunicava en novembre de 2014 un corrièr electronic de Gérard Onesta, alavetz vicepresident encargat dels afars europèus, de las relacions internacionalas, de la cooperacion descentralizada e de la reflexion sus l’avenir de la region de Miègjorn-Pirenèus.
“A causa de l’actualitat tragica de Sivens, qu’ocupa tant la nòstra agenda locala (e globala), ai tardat a vos comunicar una informacion un pauc mai risolièra. Diluns passat [27 d’octòbre de 2014] a Palma (Malhòrca), dins l’encastre de las ceremònias del 10n anniversari de l’Euroregion Pirenèus-Mediterranèa, aguèri lo plaser de menar una revendicacion que portavi dempuèi quatre ans”, çò disiá lo corrièr d’Onesta. “En apondent ma signatura, en nom de ma region, sus los novèls estatuts d’aqueste agropament europèu de cooperacion territoriala, ai fach actar que l’occitan es, d’ara endavant, amb lo catalan, lo francés e l’espanhòl, la quatrena lenga oficiala de l’Euroregion”, çò conclusiá.
La podètz tornar legir a: www.jornalet.com/4256
Lo refús del registre d’estat civil d’i inscriure l’enfanton nimesenc Antòn es la nòva mai legida de Jornalet d’aqueste an 2022. Se publiquèt lo 4 de març passat e explicava que las autoritats francesas avián refusat d’acceptar lo rèirenom d’Antòn Gavalda, nascut en fin d’abril a Nimes, jos l’explica oficiala que la ò fa pas partida del “francés tradicional”.
La podètz tornar legir a: www.jornalet.com/14714
Cançon contra los Jòcs Olimpics d’Ivèrn dins los Pirenèus
La nòva mai partejada suls rets socials es la que parla de la cançon que la compausèt Alidé Sans contra l’organizacion dels Jòcs Olimpics d’ivèrn en l’an 2030 dins los Pirenèus catalans, araneses e aragoneses. S’agís d’una cançon en occitan e catalan que son videoclip se presentèt lo 3 de mai passat. La cançon es interpretada en las doas lengas per una còla d’artistas que vòlon participar a la lucha contra la candidatura a aqueles jòcs esportius internacionals. Es una cançon plan positiva e optimista que revendica un país encara viu.
La podètz tornar legir a: www.jornalet.com/14935
L’occitan declarat lenga oficiala de l’Euroregion Pirenèus-Mediterranèa
La nòva mai legida e partejada pels legeires durant aquestes darrièrs 10 ans es l’oficialitat de la lenga nòstra dins l’Euroregion Pirenèus-Mediterranèa. O comunicava en novembre de 2014 un corrièr electronic de Gérard Onesta, alavetz vicepresident encargat dels afars europèus, de las relacions internacionalas, de la cooperacion descentralizada e de la reflexion sus l’avenir de la region de Miègjorn-Pirenèus.
“A causa de l’actualitat tragica de Sivens, qu’ocupa tant la nòstra agenda locala (e globala), ai tardat a vos comunicar una informacion un pauc mai risolièra. Diluns passat [27 d’octòbre de 2014] a Palma (Malhòrca), dins l’encastre de las ceremònias del 10n anniversari de l’Euroregion Pirenèus-Mediterranèa, aguèri lo plaser de menar una revendicacion que portavi dempuèi quatre ans”, çò disiá lo corrièr d’Onesta. “En apondent ma signatura, en nom de ma region, sus los novèls estatuts d’aqueste agropament europèu de cooperacion territoriala, ai fach actar que l’occitan es, d’ara endavant, amb lo catalan, lo francés e l’espanhòl, la quatrena lenga oficiala de l’Euroregion”, çò conclusiá.
La podètz tornar legir a: www.jornalet.com/4256
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari