Actualitats
Barran las estacions d’esquí d’Ax, de Pèira de Sant Martin e la Crotz de Bauson per manca de nèu
A l’espèra que tornen lo freg e la nèu, la mitat de las pistas esquiablas de l’estat francés son tampadas
Tèxte legit
Dissabte 31 de decembre, en fin de jornada, barrèt sas pòrtas l’estacion d’esqui d’Ax 3 Domenis, en Savartés. O avián ja anonciat a causa de las temperaturas e la manca de nèu, un fach que considèran extrèmament rar: “Aviam pas vist aquò dempuèi les ans 90”, çò ditz a La Dépêche un pòrtavotz de l’estacion ariegesa. Es tanben lo cas de la Pèira de Sant Martin, dins la bearnesa val de Varetons, e de la Crotz de Bauson, en Velai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Mercés!
Curiós coma la mediaticalha francesa te faria passar aquel passa-temps d'esnòbs e de richasses qu'es l'esqui (autant "populari" que lo gòlf o lo polò !) coma l'afogament màger de la populacion en ivèrn. Pas la pena de se carpinhar lo cap per constatar qu'en fach la jornalistalha se fai lo pòrta-votz fisèl de la classa dirigenta, aquesta nauta borgesia parisenca qu'es, coma per azard, proprietària d'aqueles mediàs. La votz de son mèstre, qué !
#4 Bòf, es un comentator que fa un blocatge sus Thunberg. A pas engolit son biais de prendre posicion e pòt pas legir res sus l'ecologia o lo cambiament climatic sens que li tòrne al ment lo presic de Greta. E li monta lo prusir. A tal punt que s'imagina que per d'unes (benlèu per el!) es venguda santa! I a pas res de mai a comprendre vai.
#4 "Lo mond es giblat uèi" e "Qui t'a vist e te vei" , Bernart Sicard de Maruèjols, sègle 13. Se passa de comentaris...
#3 Que senteishi ironia mes ne compreni pas lo perpaus. Podetz precisar svp?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari