Actualitats
Ponch final a las sietas e als cobèrts getables
Los restaurants de manjar rapid e los servicis de restauracion de tot l’estat francés son obligats de servir lo manjar e lo beure dins de terralha reütilizabla
Tèxte legit
Dempuèi lo 1r de genièr, los restaurants de manjar rapid e los servicis de restauracion de tot l’estat francés son obligats de servir lo manjar e lo beure dins de terralha reütilizabla. La nòrma met lo ponch final als embalatges d’un sol usatge dins los restaurants e las entrepresas que servisson de manjar per fin de reduire de la mitat las escobilhas que las genèran los establiments d’aquela mena, valent a dire 180 000 tonas a l’escala estatala.
Los restaurants de manjar rapid an degut abilitar d’installacions per amassar, endreiçar e lavar la terralha a 60oC.
Los collectius environamentalistas an lausat la mesura del temps que los fabricants d’embalatges asseguran que la mesura implicarà mai de consum d’aiga, de detergents e d'energia.
L’estat francés es a impausar de mesuras contra lo degalhatge del plastic e del carton dempuèi 2020. L’an passat, intrèt en vigor l’enebicion de vendre de frucha e de legums embalats dins de plastic.
Los restaurants de manjar rapid an degut abilitar d’installacions per amassar, endreiçar e lavar la terralha a 60oC.
Los collectius environamentalistas an lausat la mesura del temps que los fabricants d’embalatges asseguran que la mesura implicarà mai de consum d’aiga, de detergents e d'energia.
L’estat francés es a impausar de mesuras contra lo degalhatge del plastic e del carton dempuèi 2020. L’an passat, intrèt en vigor l’enebicion de vendre de frucha e de legums embalats dins de plastic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un grand pas publicitari, un pichòt pas per l'Umanitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari