Actualitats
L’ambaissadora d’Israèl en França demissiona a causa del retorn al poder de Netanyahu
“Vòstra politica, las declaracions dels ministres de vòstre govèrn e las intencions de legislacion son contràrias a ma consciéncia”, çò li a dich
Tèxte legit
L’ambaissadora de l’estat d’Israèl en França, Yaël German, a demissionat a causa del retorn al poder de Benjamin Netanyahu amb lo govèrn mai drechista de l’istòria d’aquel jove estat. “Vòstra politica, las declaracions dels ministres de vòstre govèrn e las intencions de legislacion son contràrias a ma consciéncia, a ma vision del Mond e als principis de la declaracion d'independéncia de l'estat d'Israèl”, çò a dich German en tot precisar que demissiona perque se pòt pas “mentir a se meteissa”, çò rapòrta Le Monde.
Yaël German es istoriana de formacion. Aviá entamenat sa carrièra politica dins lo partit Meretz ("Energia"), d’esquèrra. Foguèt consolessa màger de la vila d’Herziliya e puèi elegida deputada en 2013 jos las colors del partit Yesh Atid ("I a un avenir") del primièr ministre sortent Yaïr Lapid. De març de 2013 a decembre de 2014, foguèt ministra de la santat, e en 2021 la nomenèron ambaissadora a París.
Yaël German es istoriana de formacion. Aviá entamenat sa carrièra politica dins lo partit Meretz ("Energia"), d’esquèrra. Foguèt consolessa màger de la vila d’Herziliya e puèi elegida deputada en 2013 jos las colors del partit Yesh Atid ("I a un avenir") del primièr ministre sortent Yaïr Lapid. De març de 2013 a decembre de 2014, foguèt ministra de la santat, e en 2021 la nomenèron ambaissadora a París.
|
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Emai aquesta dicisionbonora son pòble que tan greument foguèt totun victima (e a quin punt !) de l'ultradreita…
L'amnesia es un mal màger de l'umanitat. Benlèu lo mal màger ; e nosautres occitanistas, sèm plan plaçats per ne parlar ! Lo nòstre pòble s'es cap e tot oblidat el-meteis e manja servilament despuèi sègles dins la man de l'autoritat totun illegitima que lo trepeja sense vergonha, emai sense i pensar mai.
Los diplomatas an l'abituda de virar segon lo ven : deformacion professionala. Mas totun n'i a qu'an de coratge.
Òsca ! dòna German ! Vòstra decision vos onora.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari