Tèxte legit
Aqueste dissabte 7 de genièr marcava la represa del campionat d’Elèit 1. A Lesinhan, los locals s’impausavan sens gaire de dificultats fàcia als Orses de Sent Gaudenç (52-12) que faguèron illusion las primièras 20 minutas. A Avinhon, lo Tolosa Olimpic menava 10-4 a la pausa, mas lo segond temps foguèt de tot en tot a l’avantatge dels locals que ganhan 32-10. Lo darrièr, Vilanòva, aviá pas que sa bona volontat a opausar als pianencs que vençon aisidament en Aquitània: 34-16.
A Albi, per la recepcion del campion e primadièr Carcassona, avián fait las causas plan coma cal: lo salut als campions de 1977 (qu’avián batut en finala… Carcassona! - Èra dins una partida jogada a Albi que l’Estadium de Tolosa se trapava jos las aigas!), una fanfara, las tribunas plenas, la victòria dels U19 per entamenar la serada, la signatura del Tòni Gigòt dins la setmana… Aquò meritava probable una recompensa, d’aitan mai que la pausa dels confiseires aviá copat lo vam dels Canaris que multipliquèron las aproximacions e las fautas de man. Tòni Gigòt, Hakim Miloudi e Nitim Pedrero profeitèron de la situacion per signar la victòria dels locals 20-8. Los Tigres se pausan mai que jamai coma los primièrs opausants al triumvirat audenc.
Dimenge, a l’Agulha, Limós recebiá los Dragonets. Los locals ganhèron 20-6 dins una partida que capitèt jamai de prene d’ample.
Pel compte de la dotzena jornada, dissabte 14, Limós reçauprà Vilanòva e los Orses seràn los òstes dels Dragonets a Sant Estève. Dimenge, Pià reçauprà Avinhon; Albi jogarà a Tolosa e la partida bèla serà a Domèc per l’oposicion entre los primièrs 2 del classament amb lo dèrbi Carcassona-Lesinhan. Aquela partida valdrà lo desplaçament…
Los Dragons se fan tirar las aurelhas
La Rugby League a gaire apreciat lo comportament d’una part del public catalan aprèp la desfaita fàcia a Leeds en setembre passat per la partida de fasa finala. La sancion ven de tombar e mèfi als artelhs, qu’aquò fa mal: 28 000 èuros d’emenda (la mitat amb ajornament), doas partidas pòrtas barradas (amb ajornament). Los sostens catalans an interès de bolegar pas una aurelha, lançar pas un bram o faire pas un gèst de guingòi ongan. Lo president Guasch sotalinha: ”Las sanccions son pesugas e poirián metre lo club en dificultat en cas de recidiva. L’estadi Gilbèrt Brutus deu èsser un luòc de fèsta e de convivialitat. Lo club a totjorn pogut comptar sus sos fisèls sostens: lanci una crida a la responsabilitat de cadun.”
L’esquipa, ela, es partida per una setmana en estagi en Catalonha Sud.
Alan Roch
A Albi, per la recepcion del campion e primadièr Carcassona, avián fait las causas plan coma cal: lo salut als campions de 1977 (qu’avián batut en finala… Carcassona! - Èra dins una partida jogada a Albi que l’Estadium de Tolosa se trapava jos las aigas!), una fanfara, las tribunas plenas, la victòria dels U19 per entamenar la serada, la signatura del Tòni Gigòt dins la setmana… Aquò meritava probable una recompensa, d’aitan mai que la pausa dels confiseires aviá copat lo vam dels Canaris que multipliquèron las aproximacions e las fautas de man. Tòni Gigòt, Hakim Miloudi e Nitim Pedrero profeitèron de la situacion per signar la victòria dels locals 20-8. Los Tigres se pausan mai que jamai coma los primièrs opausants al triumvirat audenc.
Dimenge, a l’Agulha, Limós recebiá los Dragonets. Los locals ganhèron 20-6 dins una partida que capitèt jamai de prene d’ample.
Pel compte de la dotzena jornada, dissabte 14, Limós reçauprà Vilanòva e los Orses seràn los òstes dels Dragonets a Sant Estève. Dimenge, Pià reçauprà Avinhon; Albi jogarà a Tolosa e la partida bèla serà a Domèc per l’oposicion entre los primièrs 2 del classament amb lo dèrbi Carcassona-Lesinhan. Aquela partida valdrà lo desplaçament…
Los Dragons se fan tirar las aurelhas
La Rugby League a gaire apreciat lo comportament d’una part del public catalan aprèp la desfaita fàcia a Leeds en setembre passat per la partida de fasa finala. La sancion ven de tombar e mèfi als artelhs, qu’aquò fa mal: 28 000 èuros d’emenda (la mitat amb ajornament), doas partidas pòrtas barradas (amb ajornament). Los sostens catalans an interès de bolegar pas una aurelha, lançar pas un bram o faire pas un gèst de guingòi ongan. Lo president Guasch sotalinha: ”Las sanccions son pesugas e poirián metre lo club en dificultat en cas de recidiva. L’estadi Gilbèrt Brutus deu èsser un luòc de fèsta e de convivialitat. Lo club a totjorn pogut comptar sus sos fisèls sostens: lanci una crida a la responsabilitat de cadun.”
L’esquipa, ela, es partida per una setmana en estagi en Catalonha Sud.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari