Actualitats
Brasil: capita mal l’assaut bolsonarista contra los principals sits del poder democratic
Dimenge, de milièrs de partisans de Jair Bolsonaro assalhiguèron lo Congrès, lo Senat e la Cort Suprèma del país amb la tòca de destituir Lula da Silva
Tèxte legit
Quand los partisans de Jair Bolsonaro ataquèron los principals sits de la republica brasilièra, dimenge passat, el èra als Estats Units, sus una plaja de Florida. Los assalhidors volián convéncer l’armada qu’un general prenguèsse lo poder e destituiguèsse Lula da Silva. Aquel assag de còp d’estat bolsonarista, que se’n parlava dempuèi dos meses, a mal capitat e probablament refortirà Lula. Quitament de partits qu'avián sostengut Bolsonaro se desmarquèron dels agressors e la reaccion internacionala, especialament de l’America latina, dels Estats Units e de l’Union Europèa, foguèt de sosténer fermament e unanimament la democracia brasilièra e son president, que foguèt investit al començament de l’an.
Tot comencèt dimenge quand de milièrs de partisans de Jair Bolsonaro reüsiguèron a esquivar lo blocatge de la polícia militara e ataquèron las sedenças del Congrès, del Senat e de la Cort Suprèma del país, situadas sus la Plaça dels Tres Poders de Brasília, per tal de destituir Lula da Silva. Fasiá qualques jorns que manifestacion èra estada convocada. Lo govèrn del districte federal es ara criticat per aver pas previst las consequéncias de la mobilizacion. Tanben, pendent l’assaut se vegèt de mòstras de fraternizacion entre qualques policièrs e los assalhidors que seràn ara mesas en examen. Lo governador del districte federal de Brasília, Ibaneis Rocha, a anonciat qu'aviá destituit lo secretari de la seguretat a causa de l'incapacitat de las fòrças publicas d’empachar aquela ataca massissa.
Los assalhidors, sortits d’un acamp anterior contra lo president davant la casèrna generala de l’armada, intrèron d’en primièr dins lo Congrès, ont destruiguèron fòrça causas, e irrompèron après dins la cambra del Senat. Un autre grop intrèt dins la Cort Suprèma del país e la polícia federala capitèt a los en fòrabandir. Los que volguèron ocupar lo palais presidencial, fòrça protegit per la polícia, i capitèron pas. Los palaises son totes eles a l’entorn d’una granda plaça, çò que facilitava los movements dels putschistas.
Reaccion de Lula: federalizacion de las institucions de Brasília
Quand la situacion èra de tot en tot incontrarotlabla e los manifestants ocupavan las bastissas, ont destruissián tot çò que trobavan, lo president Lula decretèt que federalizava los servicis policièrs de Brasília e ordenèt lo transferiment urgent d’efectius de la polícia d’autres estats devèrs la capitala. Lula faguèt un discors public fòrça dur a São Paulo, ont trantalhèt pas per qualificar de “faissistas” los agressors.
“Aquò s’èra pas jamai passat dins l'istòria d’aqueste país”, çò planguèt pendent son parladís. La democracia —çò diguèt— “garentís la libertat d’expression, mas exigís tanben lo respècte de las institucions”. “Totes los vandals seràn trobats e punits”, çò apondèt, abans de legir los detalhs del decret que suspendián las competéncias qu’apertenon al districte federal de Brasília.
“An aprofechat lo silenci de dimenge e lo fach qu’a pena sèm a formar un govèrn, per far çò qu’an fach”,çò diguèt Lula. E prometèt de perseguir tant los participants dirèctes coma los qu’avián promogut aquel “gèst antidemocratic” de las darrièras oras. Manquèt pas de remembrar que, qualques jorns de per abans, son predecessor Jair Bolsonaro aviá encoratjat la presa dels diferents poders. “Es tanben sa responsabilitat e dels partits que l’an sostengut.”
Qualques oras après los assauts, pauc a cha pauc, la polícia prenguèt lo contraròtle del centre de la vila, en emplegant de gases lacrimògens contra los manifestants e en fasent servir la violéncia per los escampilhar. I a almens quatre cent detenguts.
Silenci de Bolsonaro pendent sièis oras
Mentretant, lo protagonista amagat d’aquela ataca, Jair Bolsonaro, se mantenguèt dins lo silenci total pendent sièis oras, sens far quitament una publicacion suls rets socials. Enfin, publiquèt un fil de fiuladas sus Twitter ont semblava de se desmarcar dels assauts, mas o aprofechant per criticar l’esquèrra per de supausadas atacas semblablas dins lo passat. Bolsonaro se’n preniá tanben a Lula, sens lo nomenar, en disent que rebutava las acusacions de l’actual “president de l’executiu”.
Tot comencèt dimenge quand de milièrs de partisans de Jair Bolsonaro reüsiguèron a esquivar lo blocatge de la polícia militara e ataquèron las sedenças del Congrès, del Senat e de la Cort Suprèma del país, situadas sus la Plaça dels Tres Poders de Brasília, per tal de destituir Lula da Silva. Fasiá qualques jorns que manifestacion èra estada convocada. Lo govèrn del districte federal es ara criticat per aver pas previst las consequéncias de la mobilizacion. Tanben, pendent l’assaut se vegèt de mòstras de fraternizacion entre qualques policièrs e los assalhidors que seràn ara mesas en examen. Lo governador del districte federal de Brasília, Ibaneis Rocha, a anonciat qu'aviá destituit lo secretari de la seguretat a causa de l'incapacitat de las fòrças publicas d’empachar aquela ataca massissa.
Los assalhidors, sortits d’un acamp anterior contra lo president davant la casèrna generala de l’armada, intrèron d’en primièr dins lo Congrès, ont destruiguèron fòrça causas, e irrompèron après dins la cambra del Senat. Un autre grop intrèt dins la Cort Suprèma del país e la polícia federala capitèt a los en fòrabandir. Los que volguèron ocupar lo palais presidencial, fòrça protegit per la polícia, i capitèron pas. Los palaises son totes eles a l’entorn d’una granda plaça, çò que facilitava los movements dels putschistas.
Reaccion de Lula: federalizacion de las institucions de Brasília
Quand la situacion èra de tot en tot incontrarotlabla e los manifestants ocupavan las bastissas, ont destruissián tot çò que trobavan, lo president Lula decretèt que federalizava los servicis policièrs de Brasília e ordenèt lo transferiment urgent d’efectius de la polícia d’autres estats devèrs la capitala. Lula faguèt un discors public fòrça dur a São Paulo, ont trantalhèt pas per qualificar de “faissistas” los agressors.
“Aquò s’èra pas jamai passat dins l'istòria d’aqueste país”, çò planguèt pendent son parladís. La democracia —çò diguèt— “garentís la libertat d’expression, mas exigís tanben lo respècte de las institucions”. “Totes los vandals seràn trobats e punits”, çò apondèt, abans de legir los detalhs del decret que suspendián las competéncias qu’apertenon al districte federal de Brasília.
“An aprofechat lo silenci de dimenge e lo fach qu’a pena sèm a formar un govèrn, per far çò qu’an fach”,çò diguèt Lula. E prometèt de perseguir tant los participants dirèctes coma los qu’avián promogut aquel “gèst antidemocratic” de las darrièras oras. Manquèt pas de remembrar que, qualques jorns de per abans, son predecessor Jair Bolsonaro aviá encoratjat la presa dels diferents poders. “Es tanben sa responsabilitat e dels partits que l’an sostengut.”
Qualques oras après los assauts, pauc a cha pauc, la polícia prenguèt lo contraròtle del centre de la vila, en emplegant de gases lacrimògens contra los manifestants e en fasent servir la violéncia per los escampilhar. I a almens quatre cent detenguts.
Silenci de Bolsonaro pendent sièis oras
Mentretant, lo protagonista amagat d’aquela ataca, Jair Bolsonaro, se mantenguèt dins lo silenci total pendent sièis oras, sens far quitament una publicacion suls rets socials. Enfin, publiquèt un fil de fiuladas sus Twitter ont semblava de se desmarcar dels assauts, mas o aprofechant per criticar l’esquèrra per de supausadas atacas semblablas dins lo passat. Bolsonaro se’n preniá tanben a Lula, sens lo nomenar, en disent que rebutava las acusacions de l’actual “president de l’executiu”.
Estive agora à noite no Palácio do Planalto e no STF. Os golpistas que promoveram a destruição do patrimônio público em Brasília estão sendo identificados e serão punidos. Amanhã retomamos os trabalhos no Palácio do Planalto. Democracia sempre. Boa noite.
— Lula (@LulaOficial) January 9, 2023
: @ricardostuckertpic.twitter.com/qkyVZHQQdz
Manifestação conjunta dos presidentes dos Poderes da República, assinada na manhã de hoje, em repúdio aos atos golpistas de ontem em Brasília. #EquipeLulapic.twitter.com/p6dOtuh8S6
— Lula (@LulaOficial) January 9, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Quand vèsi lo mesprètz grandàs qu'a per nosautres aquel arlèri de Macron e l'engana bèla sus las retiradas qu'es a mand de nos fotre sul morre, me tòrna en ment aquesta cançon vièlha d'un autre temps : "Per surtir de la descasença e per viure un jorn de dreit, chau daissar montar la colèra, e segur ne'n avem mestièr, e segur ne'n avem mestièr !" (Joan-Pau Verdier, in "Dança Liura")
#1
E credetz vertadièrament l'assaut bolsonarista qu'ei ua revòlta populara contra las puishenças financèras?
E las teles-macron de far l'amalgame amb lo supausat assaut a l'Elisèu pels Gilets jaunes, manièra de descalificar tot movement social. Lo violent es lo govèrnament macronista qu'a mutilat de desenas de personas amb la repression que perpetrèt.
En mai d'aquò, l'arlèri ditz que nos protegís. Protegís sustot Paul Bismuth e Alexis Kholer e d'autres arpalhands, òc !
E non solament desmonta conscienciosament l'estat social eissit de CNR, mas se trufa de nosautres.
Ah ! Ah ! Ah ! Avisa Macron, avisa !
#1 Lachaud, Maximus Imprecator !
#2 ???????????????????
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari