Actualitats
2022, l’annada pus cauda jamai enregistrada en Occitània
Los servicis metereologics de França, Espanha e lo Reialme Unit an registrat de temperaturas recòrd que s’èran pas jamai vistas
Tèxte legit
Euròpa s’escalfa mai regde que la rèsta del mond e Occitània i escapa pas. Segon un bilanç publicat per Météofrance lo divendres 6 de genièr passat, 2022 es l’annada pus cauda en França jamai enregistrada dempuèi 1900. Amb una temperatura mejana de 14,5 °C sul territòri, l’annada 2022 a batut lo darrièr recòrd de 14,07 °C enregistrat en 2020. 2022 “es un simptòma del cambiament climatic en França”, çò soslinha lo servici francés de la meteorologia e de la climatologia. Tanben lo servici metereologic de Catalonha rapòrta que 2022 foguèt l’an pus caud, e extrèmament sec, e lo servici meterologic espanhòl publica que 2022 es l’an pus caud de l’istòria.
Pendent los darrièrs dos meses, d’èrsas frequentas de calor e de doçor foguèron enregistradas, acompanhadas per de fuocasses de bòsques e lo calimàs en Mediterranèa. “L’ensemble del país es concernit”, çò rapòrta Météofrance dins son bilanç. Per tot aquò, en 2022 tres èrsas de calor amb de temperaturas fins a 40°C se seguiguèron e de còps mai, coma foguèt lo cas a Sant Joan de Menerbés per mièg junh, çò rapòrta Reporterre.
Aquela annada excepcionala aguèt doas èrsas de calor
“Jamai de per abans una tala calor èra pas estada observada tant d’ora dins la sason en França continentala”, çò planh lo servici meteorologic. Aquela annada excepcionala aguèt doas èrsas de calor fòra sason, una al mes de mai e l’autra a la fin d’octòbre.
L’annada s' acabèt per un autre eveniment extrèm, un mes de decembre plan doç. “Los periòdes de freg foguèron […] quasi absents”, çò comenta Météofrance.
Dins la màger part de las regions, de recòrds d’oras de solelhada foguèron tanben enregistrats, “sustot sus la mitat nòrd del país” A Rennes (Bretanha), per exemple, i aguèt 327 oras de solelh de mai que çò normal l’an passat. Al costat de la temperatura e dels jorns ensolelhats, 2022 a comptat plusors autres recòrds coma lo deficit pluviometric e la secada dels sòls. “2022 se situa al segond reng de las annadas mens asagadas dempuèi la debuta de las mesuras en 1959”, afirma Météofrance, amb un deficit de pluèja del 25 % en mejana. Los meses de mai e de julhet foguèron los meses mens plujoses. A causa d’aquela combinason de calor e de manca de pluèja, 2022 es tanben lo segond periòde de secada pus long amb de quatre parts tres dels sòls superficials tocats.
Pendent los darrièrs dos meses, d’èrsas frequentas de calor e de doçor foguèron enregistradas, acompanhadas per de fuocasses de bòsques e lo calimàs en Mediterranèa. “L’ensemble del país es concernit”, çò rapòrta Météofrance dins son bilanç. Per tot aquò, en 2022 tres èrsas de calor amb de temperaturas fins a 40°C se seguiguèron e de còps mai, coma foguèt lo cas a Sant Joan de Menerbés per mièg junh, çò rapòrta Reporterre.
Aquela annada excepcionala aguèt doas èrsas de calor
“Jamai de per abans una tala calor èra pas estada observada tant d’ora dins la sason en França continentala”, çò planh lo servici meteorologic. Aquela annada excepcionala aguèt doas èrsas de calor fòra sason, una al mes de mai e l’autra a la fin d’octòbre.
L’annada s' acabèt per un autre eveniment extrèm, un mes de decembre plan doç. “Los periòdes de freg foguèron […] quasi absents”, çò comenta Météofrance.
Dins la màger part de las regions, de recòrds d’oras de solelhada foguèron tanben enregistrats, “sustot sus la mitat nòrd del país” A Rennes (Bretanha), per exemple, i aguèt 327 oras de solelh de mai que çò normal l’an passat. Al costat de la temperatura e dels jorns ensolelhats, 2022 a comptat plusors autres recòrds coma lo deficit pluviometric e la secada dels sòls. “2022 se situa al segond reng de las annadas mens asagadas dempuèi la debuta de las mesuras en 1959”, afirma Météofrance, amb un deficit de pluèja del 25 % en mejana. Los meses de mai e de julhet foguèron los meses mens plujoses. A causa d’aquela combinason de calor e de manca de pluèja, 2022 es tanben lo segond periòde de secada pus long amb de quatre parts tres dels sòls superficials tocats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben lo "nòstre" president extralucid o aviá pas previst que fariá tan caud. Veire lo discors de Cap d'An "Qui aurait pu prévoir etc, etc". Innocent ! Fa 50 ans que los especialistas del clima dison qu'aquò va caufar.
Ara aviá previst que lo CAC40 e Sénher Total engolirián encara mai de profièches indecents, mas se gardèt plan d'o dire.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari