Actualitats
La BCE menaça Chipre de copar diluns la liquiditat a sas bancas
Francfòrt fa pression sus Nicosia per qu’apròve un salvament “que garentisca la solvabilitat” de son sistèma financièr
Ultimatum de la Banca Centrala Europèa (BCE) a Chipre: diluns que ven, coparà la liquiditat a las bancas chipriòtas se Nicosia a pas aprovat encara son salvament europèu. “Lo conselh de govèrn de la BCE a decidit de manténer l’actual nivèl d’ajuda de liquiditat d’emergéncia fins al 25 de març de 2013”, çò anoncièt ièr Francfòrt dins un comunicat.
L’institucion, que la presidís l’italian Mario Draghi, menaça qu’a partir de diluns poirà solament manténer aquela respiracion assistida a l’illa “se s’es aprovat un programa de l’UE e l’FMI que garentisca la solvabilitat de las bancas afectadas”. Sens la liquiditat de la BCE, las bancas chipriòtas demoraràn lèu sens liquid.
Jörg Asmussen, membre del conselh de govèrn de la BCE, aviá ja alertat dimècres passat que lo reglament permet pas de finançar d’entitats que son non solvablas, e sens salvament europèu, lo sistèma financièr de l’illa es en quincanèla. “La BCE pòt solament porgir de liquiditat d’emergéncia a las bancas solvablas”, çò aviá avertit. Las bancas dobriràn pas encara al public e aquel “corralito” se poiriá esperlongar almens fins a dimars que ven. La Banca Centrala de Chipre prevei, alavetz, una fugida a l’estrangièr de 10% dels depauses.
Lo president de l’Eurogrop, Jeroen Dijsselbloem, a avertit tanben qu’un nòu prèst de Russia a Chipre resolverà pas lo problèma, perque lo deute de l’illa contunhariá d’èsser insostenable. “Se los russes dison ara que pòdon prestar mai de sòus a Russia, ajudaràn pas a la sostenabilitat del deute a Chipre”, çò denoncièt lo trabalhista neerlandés, en una comparucion a la Comission dels Afars Economics de l’Eurocambra.
Dijsselbloem defend que “i a pas gaire d’alternativas” a far pagar als estalviaires una partida del salvament, e mai s’insistís que Nicosia deuriá protegir los petits estalviaires amb mens de 100 000 èuros dins lo compte. “L’Eurogrop considèra fòrça important que la carga se repartisca de manièra justa e que la contribucion dels grands depausants siá superiora” (es a dire, que se lor faga assumir de pèrdas pus elevadas que lo 9,9% que prepausa lo president Nikos Anastasiadis). E mai se l’illa mediterranèa adutz solament 0,2% de la riquesa de la Zòna Èuro, Dijsselbloem a reconegut que “supausa de verai un risc sistemic” que poiriá contagiar la rèsta del sud de l’èuro.
Lo plan B de Chipre, per que calga pas confiscar d’estalvis, es a l’ora d’ara de demandar ajuda a Russia e de vendre, quitament, las proprietats de la glèisa ortodòxa. Anastasiadis a creat una comission tecnica per ensajar de redusir o quitament d’evitar lo puniment als petits estalviaires: a enviat son ministre de las Finanças a Moscòu per negociar amb lo Cremlin la venda de la banca Laiki —una de las entitats mai grandas de l’illa— e l’esplecha dels jaces de gas davant la còsta d’Israèl.
L’institucion, que la presidís l’italian Mario Draghi, menaça qu’a partir de diluns poirà solament manténer aquela respiracion assistida a l’illa “se s’es aprovat un programa de l’UE e l’FMI que garentisca la solvabilitat de las bancas afectadas”. Sens la liquiditat de la BCE, las bancas chipriòtas demoraràn lèu sens liquid.
Jörg Asmussen, membre del conselh de govèrn de la BCE, aviá ja alertat dimècres passat que lo reglament permet pas de finançar d’entitats que son non solvablas, e sens salvament europèu, lo sistèma financièr de l’illa es en quincanèla. “La BCE pòt solament porgir de liquiditat d’emergéncia a las bancas solvablas”, çò aviá avertit. Las bancas dobriràn pas encara al public e aquel “corralito” se poiriá esperlongar almens fins a dimars que ven. La Banca Centrala de Chipre prevei, alavetz, una fugida a l’estrangièr de 10% dels depauses.
Lo president de l’Eurogrop, Jeroen Dijsselbloem, a avertit tanben qu’un nòu prèst de Russia a Chipre resolverà pas lo problèma, perque lo deute de l’illa contunhariá d’èsser insostenable. “Se los russes dison ara que pòdon prestar mai de sòus a Russia, ajudaràn pas a la sostenabilitat del deute a Chipre”, çò denoncièt lo trabalhista neerlandés, en una comparucion a la Comission dels Afars Economics de l’Eurocambra.
Dijsselbloem defend que “i a pas gaire d’alternativas” a far pagar als estalviaires una partida del salvament, e mai s’insistís que Nicosia deuriá protegir los petits estalviaires amb mens de 100 000 èuros dins lo compte. “L’Eurogrop considèra fòrça important que la carga se repartisca de manièra justa e que la contribucion dels grands depausants siá superiora” (es a dire, que se lor faga assumir de pèrdas pus elevadas que lo 9,9% que prepausa lo president Nikos Anastasiadis). E mai se l’illa mediterranèa adutz solament 0,2% de la riquesa de la Zòna Èuro, Dijsselbloem a reconegut que “supausa de verai un risc sistemic” que poiriá contagiar la rèsta del sud de l’èuro.
Lo plan B de Chipre, per que calga pas confiscar d’estalvis, es a l’ora d’ara de demandar ajuda a Russia e de vendre, quitament, las proprietats de la glèisa ortodòxa. Anastasiadis a creat una comission tecnica per ensajar de redusir o quitament d’evitar lo puniment als petits estalviaires: a enviat son ministre de las Finanças a Moscòu per negociar amb lo Cremlin la venda de la banca Laiki —una de las entitats mai grandas de l’illa— e l’esplecha dels jaces de gas davant la còsta d’Israèl.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Los Chipriòtas grècs an rejetat un plan de reunificacion sostengut par la comunautat internacionala e validat per los Chipriòtas turcs. Aquela oportunitat istorica es estada mancada perque l'UE n'a pas fach una condicion de l'adesion.
#4 Errors tipograficas:
resonsable* > responsable
de li* laissar > de lo laissar
#3 Lo nòrd de Chipre es una zòna ocupada per l'armada turca, en violacion dau drech internacionau.
Podiá pas èsser question, donc, de demandar a l'estat chipriòta de resòuver sa biparticion abans d'intrar dins l'UE, bòrd que l'estat chipriòta es pas ges resonsable de la biparticion.
Seriá estat coma exigir a un individú raubat de resòuver lo raubament qu'a subit, abans de li laissar beneficiar de la seguretat sociala.
#2 Perfèctament d'adòrdi. Error grandassa que d'aveire integrat Chipre a l'UE sens la reunificacion prealabla.
me sembla pereu que lei representants dau poble sobeiran conejan un pauc a endeutar lei finanças publicas fins qu'au cole que podon puei pas remborsar e que l'Europa aurià degut laissat Chipra ont èra, fora dau continent, sota la Turquia e ara li cau passar au trapeza !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari